ព្រះអង្គធម្មវនវាសីបណ្ឌិត ចន្ទ មុនី មកដល់ខេត្តរតនគិរី និមន្តទៅទស្សនកិច្ច នៅច្រកទ្វារព្រំ ដែនអន្តរជាតិ អូរយ៉ាដាវ-ឡេថាញ់ កម្ពុជា វៀតណាម
ព្រះអង្គធម្មវនវាសីបណ្ឌិត ចន្ទ មុនី នៅថ្ងៃទី២២ ខែសីហា ឆ្នាំ២០២៤នេះ បាននិមន្តទស្សនកិច្ចទៅដល់ខេត្តរតនគិរីហើយដោយឆ្លងកាត់ក្នុងភូមិសាស្ត្រខេត្តមណ្ឌលគិរី។ការនិមន្តមកដល់របស់ព្រះអង្គ ត្រូវបានអញ្ជើញទៅទទួលបដិសណ្ឋាកិច្ចនៅព្រំប្រទល់ រវាងខេត្តរតនគិរី និងខេត្តមណ្ឌលគិរី ពីសំណាក់ ឯកឧត្តម គិត ទ្រី អ្នកតំណាងរាស្ត្រមណ្ឌលរតនគិរី និងឯកឧត្តម ញ៉ែម សំអឿន អភិបាលខេត្តរតនគិរីនិងលោកជំទាវ ព្រមទាំងមន្ត្រីអ្នកមុខ អ្នកការជាច្រើនអ្នកទៀត។
ក្នុងដំណើរនិមន្តទស្សនកិច្ចមកដល់របស់ព្រះអង្គ សង្កេតឃើញ ប្រជាពលរដ្ឋ និងពុទ្ធបរិស័ទ យ៉ាង
ច្រើនកុះករ នៅសងខាងផ្លូវ រង់ចាំស្វាគមន៍ព្រះអង្គ និងបានជួបព្រះភ័ក្រផ្ទាល់ សុំពរជ័យសេរីសួស្តី សេចក្តីសុខសេចក្តីចម្រើន។រួចព្រះអង្គ និមន្តទៅជួបពុទ្ធបរិស័ទនៅស្រុកអូរយ៉ាដាវដែលរស់នៅតាមបន្ទាត់ខ្សែព្រំដែនកម្ពុជា-វៀតណាម និងនិមន្តទៅទតបង្គោលខណ្ឌសីមាព្រំដែន លេខ៣០ និងលេខ
២៩លើ៣ និងលេខ២៩លើ៤ដែលស្ថិតនៅច្រកទ្វារអន្តរជាតិអូរយ៉ាវ-ឡេថាញ់ កម្ពុជា-វៀតណាម។
នៅពេលព្រះធម្មវនវាសី ចន្ទ មុនី បានទតឃើញផ្ទាល់ នូវបង្គោលព្រំដែននាពេលព្រះអង្គមានសង្ឃដីកាថា ទឹកដីប្រទេសកម្ពុជានៅតំបន់ភូមិភាគឦសាននេះ មិនមានការបាត់បង់ទឹកដីអ្វីនោះទេ ផ្លូវខ្សែក្រវាត់ព្រំដែននិងបង្គោលព្រំដែន ផុសឡើងយ៉ាងស្អាតនិងរឹងមាំ ដើម្បីជាព្រំប្រទល់រវាងប្រទេសពីរនៅជិតគ្នា។
ក្នុងដំណើរទស្សនកិច្ចជាផ្លូវការរបស់ព្រះធម្មវនវាសី អាចនិយាយបានថា ជាព្រឹត្តិការយ៉ាងកម្រមួយដែលព្រះអង្គនិមន្តមកដល់តំបន់ភូមិភាគឦសាន គិតចាប់ពីព្រះអង្គត្រូវបានពុទ្ធបរិស័ទនូវទូទាំងប្រទេសបានស្គាល់ព្រះអង្គ។
ក្រោយបញ្ចប់ការទស្សនកិច្ចនៅតំបន់ព្រំដែនហើយនោះ ព្រះធម្មវនវាសី បានផ្តល់ជាឱវាទខ្លះដល់ពុទ្ធិបរិស័ទថា ក្នុងការនិមន្តមកដល់នេះ គឺក្រោយពេលដែលព្រះទទួលជ្រាបព័ត៌មានថាមានការញុះញុងឱ្យប្រឆាំងទៅលើគំរោងអភិវឌ្ឍន៍តំបន់ត្រីកោណអភិវឌ្ឍន៍ហៅកាត់ថាCLV។ថែមទាំងមានការកាត់ទឹកដីខេត្តចំនួន៤ខេត្តថែមទៀតផង។
ព្រះអង្គបន្តថា ព្រះអង្គបានធ្វើដំណើរលើផ្លូវខ្សែបន្ទាត់ព្រំដែននិងតែងបើកផែនទីមើល បន្តដោយការសាកសួរទៅមន្ត្រីនិងប្រជាជនតាមតំបន់ ឃើញថា ពុំមានការបាត់បង់ទឹកដីអ្វីទេ ប្រជាពលរដ្ឋប្រទេសទាំងពីរបានធ្វើទំនាក់ទំនងពាណិជ្ជកម្មល្អជាមួយគ្នាទៅវិញទៅមក។ ហើយព្រះអង្គនឹងនាំយកការពិត ប្រាប់ទៅប្រជាពលរដ្ឋនិងពុទ្ធិបរិស័ទ ដែលពុំបានមកដល់ចំណុចដែលគេចោទប្រកាន់ថា បាត់បង់ទឹកដី។
ក្នុងពេលនេះដែរគេសង្គេតឃើញថា មានប្រជាពលរដ្ឋដ៏ច្រើនត្រៀបត្រា ដែលមានជំនឿលើព្រះអង្គ បាននាំគ្នាទិញទៀន ធូប ផ្កា ក្រមួន ទឹកបរិសុទ្ធ និងគ្រឿងសក្ការៈបូជានានាជាច្រើនទៀត មកអង្គុយរង់ចាំទទួលព្រះធម្មវនវាសី ចន្ទ មុនី នៅតាមផ្លូវប្រវាត់ព្រំដែន និងតាមវត្តអារាមផងដែរ។
សូមរំលឹកថា មុនពេលនិមន្តទៅតំបន់ CLV នេះ ព្រះអង្គធម្មវនវាសី ចន្ទ មុនី បានមានថេរដិការផ្សាយតាមបណ្តាញសង្គមថា ក្នុងដំណើរនិមន្តទស្សនកិច្ចរបស់ព្រះអង្គនេះ គឺនិមន្តទៅជួបពុទ្ធបរិស័ទនៅតាមបន្ទាត់ខ្សែព្រំដែនតំបន់ CLV ដែលមាន៤ខេត្ត ដោយផ្តើមពីខេត្តក្រចេះ។
ព្រះអង្គបានបញ្ជាក់អំពីគោលបំណងនៃដំណើរនិមន្តទស្សនកិច្ចនេះ គឺដើម្បីចូលរួមដោះស្រាយមន្ទិលសង្ស័យដើម្បីធ្វើអោយប្រាកដប្រជាជុំវិញរឿងបាត់បង់ទឹកដីដោយសារកិច្ចព្រមព្រៀង តំបន់អភិវឌ្ឍន៍ជាមួយវៀតណាមនិងឡាវ ។ហើយ សម្តេចតេជោកាលពីថ្ងៃទី១៩សីហា បានធ្វើការណែនាំ និងផ្តាំផ្ញើអោយអាជ្ញាធរក្នុងភូមិសាស្ត្រខេត្តក្រចេះ ខេត្តមណ្ឌលគិរី ខេត្តរតនគិរី និងខេត្តស្ទឹង
ត្រែង ជួយបង្កលក្ខណៈងាយស្រួលដល់ព្រះអង្គ ក្នុងដំណើរនិមន្តទស្សនកិច្ចនេះ ព្រមទាំងរក្សាសន្តិសុខ និងសុខភាពប្រគេនព្រះអង្គ។
សូមបញ្ជាក់ថា មួយរយៈចុងក្រោយនេះ ក្រុមប្រឆាំងបានលើកយករឿង កិច្ចព្រមព្រៀងតំបន់អភិវឌ្ឍន៍កម្ពុជា-វៀតណាមនិងឡាវ ដោយមានចេតនាបំពុលសន្តិសុខសង្គមកម្ពុជា ហើយប្រកាសប្រមូលកម្លាំងធ្វើបាតុកម្ម ដោយបង្កប់នូវយុទ្ធសាស្ត្រ រុញអោយផ្ទុះហិង្សា ហើយឈានទៅធ្វើបដិវត្តន៍ពណ៌ផ្តួលរំលំរដ្ឋាភិបាលស្របច្បាប់។ មេដឹកនាំម្នាក់ពីប្រទេសជប៉ុនបានញុះញង់មហាជនអោយដុតបំផ្លាញសេដ្ឋកិច្ចខ្មែរអោយដាំក្បាលចុះ៕
