ភ្ញៀវទេសចរដែលបានមកទស្សនានៅតាមដងព្រែកកំពតនាចុងសប្តាហ៍
ថ្ងៃចេញផ្សាយៈ September 10, 2024
ខេត្តកំពត៖ រីករាយជាមួយទេសភាពធម្មជាតិដ៏ស្រស់បំព្រង រួមជាមួយសេះសមុទ្រឈរបាញ់ទឹកយ៉ាងសង្ហា និងនាឡិកាយក្ស ដែលជាសញ្ញាផ្ដល់អត្ថន័យដ៏សំខាន់សម្រាប់ទីក្រុងកំពត ក្រោមការដឹកនាំប្រកបដោយចក្ខុវិស័យត្រឹមត្រូវច្បាស់លាស់របស់ឯកឧត្តម ម៉ៅ ធនិន អភិបាលខេត្តកំពត។
ទោះបីជាអាកាសធាតុមានភ្លៀងខ្លះក៏ដោយ ភ្ញៀវទេសចរក៏នៅតែមិនជិនណាយក្នុងការមកទីនេះដើម្បីថតរូប កំសាន្ត ក៏ដូចជារីករាយនឹងទេសភាពលើដងព្រែក និងទិដ្ឋភាពនៃជួរភ្នំបូកគោនៅពីខាងក្រោយដូចផ្ទាំងគំនូរ។
ទេសភាពតាមដងព្រែកកំពតមានសម្រស់គ្រប់ពេលវេលា ទាំងពេលព្រឹក ថ្ងៃ ល្ងាច និងពេលយប់ ធ្វើឱ្យទីក្រុងកំពតក្លាយជាទិសដៅទេសចរណ៍មួយដែលគ្រប់គ្នាមិនអាចភ្លេចបាន៕
