ជនជាតិដើមភាគតិច “មណ្ឌលគិរី”សម្រុកចូលសាលាដំបូងខេត្តមណ្ឌលគិរី ក្រោយ សមត្ថកិច្ច ចាប់សកម្មជន ខ្លួន
ខេត្តមណ្ឌលគិរី: នៅព្រឹកព្រលឹមថ្ងៃទី២៣ ខែធ្នូ ឆ្នាំ ២០២១នេះ ក្រុមជនជាតិដើមភាគតិច ប្រមាណជា៣០០នាក់ បានសម្រុក ចូល មក កាន់សាលា ដំបូង ខេត្តមណ្ឌលគិរី ដោយ ធ្វើការ ទាមទារ ឲ្យ មានការ ដោះ លែង សកម្មជនដីធ្លីរបស់ខ្លួន គឺអ្នកស្រី ភ្លឺន ទៀន ដែលត្រូវ បាន សមត្ថកិច្ច ចាប់ខ្លួន។
អ្នកស្រី ភ្លឺន ទៀន ត្រូវ បានសមត្ថកិច្ច ធ្វើការ ចាប់ខ្លួន នៅថ្ងៃនេះដែរ ក្រោម ពាក្យ បណ្តឹង របស់ឈ្មួញដីធ្លី ដែលបានវាតទី កាន់កាប់ទៅ លើដីចំការ វិលជុំរបស់ក្រុមបងប្អូនជនជាតិដើមភាគតិច។
បើទោះជាដូចច្នេះក៏ដោយ មក ទល់នឹងថ្ងៃត្រង់ ថ្ងៃទី២៣ ខែធ្នូ ឆ្នាំ២០២១នេះ គេឃើញ មេបញ្ជា ការ កងរាជអាវុធហត្ថខេត្តមណ្ឌលគិរី ក៏ ដូចជា ប្រធាន តុលាការខេត្តមណ្ឌល គិរី បានចេញមក ធ្វើការ សម្របសម្រួល ជាមួយ បងប្អូន ជនជាតិដើមភាគតិច ឲ្យ ត្រឡប់ទៅ កាន់ផ្ទះសម្បែងវិញ ដោយ សន្យាថា នៅពេលបញ្ចប់នីតិវិធី តុលាការ នឹងដោះ លែង អ្នកស្រី ភ្លឺន ទៀន ឲ្យ ត្រឡប់ទៅផ្ទះវិញ៕