ឪពុកម្តាយ តារាចម្រៀង សុវត្ថិឌី ធារិកា បានបាត់បង់ជីវិត ក្នុងហេតុការណ៍គ្រោះថ្នាក់ចរាចរណ៍ នៅស្រុកឆែប
ខេត្តព្រះវិហារ ៖ ឪពុកម្តាយ តារាចម្រៀង សុវត្ថិឌី ធារិកា បានបាត់បង់ជីវិត ក្នុងហេតុការណ៍គ្រោះថ្នាក់ចរាចរណ៍ក្រឡាប់ ឡានចូលក្នុង ប្រឡាយទឹក ក្នុង នៅស្រុកឆែប ខេត្តព្រះវិហារ កាលពីរសៀល ម៉ោង៣ថ្ងៃទី ១៧ ខែឧសភា ឆ្នាំ២០២២។
ចំពោះសាច់ញាតិ ចំនួនពីរនាក់ ទៀត គឺប្អូនប្រុស និងជីដូន របស់ កញ្ញា ធារិកា គឺ បានរួចផុតពីគ្រោះថ្នាក់ចរាចរណ៍ នេះ។
ក្រោយ ហេតុការណ៍នេះកើតឡើង ភ្លាម កញ្ញា សុវត្ថិឌី ធារិកាដែលស្ថិតក្នុងហេតុការណ៍នោះដែរបានបញ្ជូន សាច់ញាតិ ដែលគ្រោះថ្នាក់ចរាចរណ៍នោះទៅកាន់មន្ទីរពេទ្យ តែជាអកុសល ឱពុកម្តាយ របស់កញ្ញាធារិកា បានបាត់បង់ជីវិតទៅហើយ។
ការបាត់បង់ ឪពុកម្តាយ កញ្ញា សុវត្ថិឌី ធារិកាមានក្តីរន្ធត់ចិត្ត និងសោក សង្រេង ជាពេន ពេក។
បច្ចុប្បន្ន សាកសពរបស់ឪពុកម្តាយធារិកាត្រូវបានដឹកមករាជធានីភ្នំពេញកាលពីយប់ម៉ោង១១ ដើម្បីធ្វើបុណ្យតាមប្រពៃណីនៅវត្តស្ទឹងមានជ័យ។
ក្រោយ ដឹង ហេតុការណ៍នេះភ្លាមៗ គឺមានតារា សិល្បករខ្មែរ និងពលរដ្ឋខ្មែរជាច្រើនរូប បាន ផ្ញើសារចូលរួម រំលែក ទុក្ខ ដល់កញ្ញា សុវត្ថិឌី ធារិកា ដែលបាន បាត់បង់ ឪពុកម្តាយដែលជាអ្នកមាន គុណ ៕