ជនអន្តោប្រវេសន៍ខុសច្បាប់ ២៣០នាក់ ត្រូវបានបណ្តេញចេញពីកម្ពុជា
ភ្នំពេញ៖ អគ្គនាយកដ្ឋានអន្តោប្រវេសន៍បានឲ្យដឹង កាលពីថ្ងៃទី២៣ ខែកញ្ញា ឆ្នាំ២០២២ម្សិលមិញនេះថា ជនអន្តោប្រវេសន៍ខុស ច្បាប់យួន និងចិនសរុប២៣០នាក់ ត្រូវបានបណ្ដេញ ចេញពីកម្ពុជា។
ស្ថាប័ននេះបានឲ្យដឹងថា ជនបរទេសដែលចូលមករស់នៅដោយខុសច្បាប់ទាំងនោះ មានស្រី៥០នាក់ ក្នុងនោះមាន០២សញ្ជាតិ៖ ជនជាតិវៀតណាមចំនួន២២៨ នាក់ និងជនជាតិចិនចំនួន០២នាក់។
ការបណ្តេញនេះ គឺអនុលោមតាមច្បាប់ស្តីពីអន្តោ ប្រវេសន៍ ដោយពួកគេបានចាកចេញ តាមប៉ុស្តិ៍នគរ បាលច្រកទ្វារអាកាសយានដ្ឋានអន្តរជាតិភ្នំពេញ និងច្រកទ្វារព្រំដែនអន្តរជាតិព្រែកចាក។
ជនបរទេសចំនួន២៣០នាក់ខាងលើនេះ ត្រូវបានសមត្ថកិច្ចធ្វើការឃាត់ខ្លួនពាក់ព័ន្ធបទល្មើស លួចស្នាក់នៅខុសច្បាប់ គ្មានលិខិតឆ្លងដែន លើសទិដ្ឋាការកំណត់ និងប្រើប្រាស់ទិដ្ឋាការខុសគោលដៅ ដែលល្មើសនឹងច្បាប់ស្តីពីអន្តោប្រវេសន៍ ៕