ផ្សារក្ដាមនាពេលរដូវបុណ្យភ្ជុំបិណ្ឌ ត្រូវបានរឹតបន្តឹងពីតម្លៃ
ខេត្តកែប៖ ដើម្បីកាត់បន្ថយការរិះគន់អភិបាលខេត្តកែបបានឲ្យដឹងថា គេបានដាក់កម្លាំងជំនាញឲ្យចុះត្រួតពិនិត្យជា ប្រចាំពីតម្លៃទំនិញ សុច្ចរិតភាព និងគុណភាពទំនិញនៅផ្សារក្ដាម អំឡុងពិធីបុណ្យភ្ជុំបិណ្ឌប្រពៃណីជាតិខ្មែរ ។
លោក សោម ពិសិដ្ឋ បានថ្លែងប្រាប់ក្រុមអ្នករាយការណ៍ព័ត៌មានថា មន្ត្រីមានវេនប្រចាំការចំនួន៣ថ្ងៃនៅតាមតំបន់ទេសចរណ៍។ យើងគិតគូរពីអាហារ តម្លៃ ទំនិញ និងភ្នែកជញ្ជីងនៅផ្សារក្ដាម។ ខ្ញុំបានរៀបចំតម្លៃនៅផ្សារក្ដាម ក្ដាម បង្គារ មឹក ត្រូវមានតម្លៃត្រឹមត្រូវ ដើម្បីឱ្យភ្ញៀវទេសចរមានជម្រើស លេខ១ តម្លៃប៉ុន្មាន លេខ២ តម្លៃប៉ុន្មាន។ យើងមានជញ្ជីងយុត្តិធម៌ និងមានមន្ត្រីប្រចាំ ការ ដើម្បីធានាថា ១គីឡូក្រាម គឺ១០ខាំ។ មានមន្ទីរពាក់ព័ន្ធប្រចាំការនៅទីនោះ។
លើសពីនេះ រដ្ឋបាលខេត្តកែប ក៍បានដាក់កងកម្លាំងការពារនៅតាមរមណីយដ្ឋានទេសចរណ៍នានា ដើម្បីរក្សាសុវត្ថិភាព ភ្ញៀវទេសចរ និងយាមតាមឆ្នេរកម្សាន្ត សម្រាប់ជួយភ្ញៀវពេលមានបញ្ហាណាមួយកើតឡើងនៅតំបន់នេះ៕