តើមន្ត្រីបរិស្ថានឈ្មោះ ថា ប៊ុនលឿ និងឈ្មួញឈើឈ្មោះធាង និងឈ្មោះគ្រី ដែលពាក់ព័ន្ធការចូលទៅកាត់ឈើលក់នៅព្រៃបរិស្ថានអូរតាយ៉ាកនិងអូរតំបូកអាចគេចផុតពីសំណាញ់ច្បាប់ព្រៃឈើដែររឺទេ
ខេត្តរតនគិរី៖ មន្ត្រីបរិស្ថានបានឲ្យដឹងថា ក្រោយចុះពិនិត្យជាក់ស្តែង កម្លាំងបានរឹបហូសវត្ថុតាងពីក្រុមឈ្មួញឈើនៅតំបន់ព្រៃការពារដោយបរិស្ថានចំនួនបីរទីតាំង៖ ចំណុចអូរឡាំប៉ង,ចំណុចអូរតាយ៉ាក
,ចំណុចអូរតំបូក នោះពេលនេះបានរឹបអូសបានរណាយន្តចំនួន០៤គ្រឿង និងប្រភេទឈើគ្រឿងផ្ទះ និងឈើជ្រុង(ឃ្លុំ) ប្រមាណជាង១០ម៉ែត្រគូប។
ពាក់ព័ន្ធវត្ថុងទាំងនេះ កម្លាំងជំនាយរបស់បរិស្ថានស្រុកអណ្តូងមាស និងស្រុកតាវែង កំពុងធ្វើការស្រាវជ្រាវកំណត់មុខសញ្ញាដើម្បីចុះរឹបអូសបន្តទៀត។
អ្នកភូមិម៉ុយស្រែបានបង្ហើបថា ក្រោយការចុះបង្ក្រាបបទល្មើសព្រៃឈើនៅតំបន់ព្រៃការពារដោយបរិស្ថានស្រុកតាវែង និងស្រុកអណ្តូងមាសខាងលើនេះ ពួកគាត់ពុំទាន់ឃើញមានការឃាត់ខ្លួនមនុស្សដែលជាប់ពាក់ព័ន្ធទៅនិងបទល្មើសព្រៃឈើខាងលើនេះនៅឡើយទេ មន្ត្រីបរិស្ថានចាប់រឹបអូសបានត្រឹមតែវត្ថុតាងមួយចំនួនតែប៉ុណ្ណោះ។
ចំណែកអ្នកពាក់ព័ន្ធបទល្មើសព្រៃឈើឈ្មួញឈើឈ្មោះ ធាង និងឈ្មោះ គ្រី ដែលដាក់ម៉ាស៊ីនរណាយន្តកែនមនុស្សឲ្យចូលទៅអារឈើក្នុងព្រៃការពារដោយបរិស្ថាន និងមានគោរយន្តដឹងឈើលក់នេះ គេពុំទាន់ឃើញមានការឍាត់ខ្លួនសួរនាំនៅឡើយ។
យ៉ាងណាក៍ដោយ ប្រជាពលរដ្ឋក្នុងស្រុកអណ្តូងមាសខេត្តរតនគិរី រងចាំមើលចំណាត់ការមន្ត្រីជំនាញបរិស្ថានការចុះបង្ក្រាបបទល្មើសព្រៃឈើខាងលើនេះថា អ្នកពាក់ព័ន្ធបទល្មើសព្រៃឈើទាំងនេះ មានឈ្មោះដូចជា(លោក ធាង,លោកគ្រី និងមន្ត្រីបរិស្ថានមួយរូបឈ្មោះ ថា ប៊ុនលឿរ ដែលចាំទួលប្រាក់ពីក្រុមឈ្មួញម៉ាស៊ីនអារឈើ០១គ្រឿង បង់លុយ៨០ម៉ឺនរៀល ជាការអនុញាត្តឲ្យចូលកាត់ឈើលក់តាមអំពើរចិត្តនោះ តើលោក ផុន ខែមរិន្ទ ប្រធានមន្ទីរបរិស្ថានខេត្តរតនគិរី និងចាត់វិធានការផ្លូវច្បាប់ទៅលើបុគ្គល់ឈ្មោះ ថា ប៊ុនលឿរ ជាមន្ត្រីបរិស្ថានរបស់លោកបែបណា។
ករណីបើកឲ្យឈ្មួញចូលអារកាត់ឈើលក់ក្នុងព្រៃការពារដោយបរិស្ថាននេះដែរ តើឈ្មោះថា ប៊ុនលឿរ អាចផុតពីសំណាញ់ច្បាប់ដែររឺទេ៕
