រដ្ឋមន្ដ្រីក្រសួងកសិកម្ម ឯកឧត្តមឌិត ទីណា ដឹកនាំគណៈប្រតិភូអញ្ជើញចូលរួមពិព័រណ៌កសិកម្មនៅទីក្រុងប៉ារីស ប្រទេសបារាំង
ថ្ងៃចេញផ្សាយៈ March 2, 2023
ឯកឧត្តម ឌិត ទីណា រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទ បានដឹកនាំគណៈប្រតិភូ ដែលក្នុងនោះរួមមន្ដ្រីជាន់ខ្ពស់មកពីក្រសួងកសិកម្ម ក្រសួងពាណិជ្ជកម្ម និងវិស័យឯកជន ចូលរួមពិព័រណ៌កសិកម្មនៅទីក្រុងប៉ារីស ប្រទេសបារាំង ចាប់ពីថ្ងៃទី២៨ ខែកុម្ភៈ រហូតដល់ថ្ងៃទី២ ខែមីនា ឆ្នាំ២០២៣។
នាថ្ងៃដំបូងនៃដំណើរទស្សនកិច្ចនេះ ឯកឧត្តមរដ្ឋមន្ដ្រីបានទទួលការស្វាគមន៍ពីឯកឧត្តម Marc Fesneau រដ្ឋមន្ដ្រីក្រសួងកសិកម្ម និងអធិបតេយ្យភាពស្បៀងអាហារនៃប្រទេសបារាំង និងកំពុងអញ្ជើញទស្សនាសាលពិព័រណ៌ ដោយចាប់ផ្ដើមពីផ្នែកផលិតកម្មសត្វ និងផ្នែកការធ្វើកសិកម្មទំនើប៕
