សមត្ថកិច្ចឃាត់ខ្លួនម្ចាស់ទីតាំងលួចផលិតទឹកត្រីខុសច្បាប់ និង ក្លែងបន្លំម៉ាកទឹកត្រីរូបបង្កងប៉ាក
ភ្នំពេញ៖ ក្រោយពីទទួលបាន ពាក្យបណ្ដឹង សមត្ថកិច្ច បានចុះ អនុវត្តន៍ច្បាប់ លេីទីតាំង សិប្បកម្មមួយកន្លែង ទីតាំងផ្ទះគ្មានលេខ ផ្លូវបេតុង ភូមិតាសេក សង្កាត់កំបូល ខណ្ឌកំបូល រាជ ធានីភ្នំពេញ ពីបទ លួចផលិតទឹកត្រីខុសច្បាប់ និងក្លែងបន្លំម៉ាកទឹកត្រីរូបបង្កងប៉ាក។
ប្រតិបត្តិការឃាត់ខ្លួនម្ចាស់ទីតាំងទឹកត្រីខាងលើនេះសមត្ថកិច្ចបានធ្វើឡើង កាលពីវេលាម៉ោង១ និង ៣០នាទី រសៀល ថ្ងៃទី១ ខែ កញ្ញា ឆ្នាំ២០២៣នេះ។
សមត្ថកិច្ចបានឱ្យដឹងថា ជនដែលបើកសិប្បកម្មហើយបានលួចក្លែងម៉ាកយីហោររបស់ក្រុមហ៊ុនទឹកត្រីបង្កងប៉ាកខាងលើនេះ ជនរូបនេះមានឈ្មោះ ចាន់ សំពេជ្រ ហៅ ពេជ្រ អាយុ២៩ឆ្នាំ ទីលំនៅបច្ចុប្បន្នផ្ទះលេខ ១៦ អឺប៉េ ផ្លូវ ២៤៨ ភូមិសែនសុខ សង្កាត់ឃ្មួញ ខណ្ឌសែនសុខ រាជធានីភ្នំពេញ។
បច្ចុប្បន្ន ម្ចាស់ទីតាំងល្មើសច្បាប់ខាងលើនេះ ត្រូវបានសមត្ថកិច្ចឃាត់ខ្លួននៅក្រសួងមហាផ្ទៃដើម្បីចាត់ការទៅតាមនិតិវិធីច្បាប់៕
