ឧកញ្ញាម្នាក់! កំពុងធ្វើការឈួសឆាយទន្ទ្រានយកដីព្រៃការពារដោយបរិស្ថានចំណុចស្រែពកក្នុងឃុំណងឃីឡឹកស្រុកកោះញ៉ែក
ខេត្តមណ្ឌលគិរី៖ ប្រជាពលរដ្ឋបានឱ្យដឹងថា មានលោក ឧកញ្ញាម្នាក់ ដែលកំពុងសម្រុកកាត់ព្រៃឈើ ទន្ទ្រានយកដីរបស់រដ្ឋគឺព្រៃការពារដោយបរស្ថានចំណុចស្រែពកស្ថិតនៅចំណុចភូមិចុងឆេង ឃុំណងឃីឡឹក ស្រុកកោះញ៉ែក ខេត្តមណ្ឌលគិរី។
ជាក់ស្តែង ការឈូសឆាយទន្ទ្រានដីព្រៃការពារដោយបរិស្ថាននៅចំណុចឃុំណងឃីឡឹកស្រុកកោះញ៉ែកនេះ គឺមេការលោក ឧកញ៉ាម្នាក់នេះ បានដាក់គ្រឿងចក្រឈូសឆាយនៅក្នុងអំឡុងដើមខែសីហា ឆាំ២០២៣នេះ រហូតមកដល់ថ្ងៃទី៨ ខែកញ្ញានេះ គេបានសង្កេត់ឃើញថា ក៍នៅតែបន្តបញ្ជាកម្លាំងកម្មកររបស់គេ ឱ្យចូលទៅកាត់ព្រៃឈើរំលំដើមឈើតូចធំ នៅចំណុចព្រៃបរិស្ថានឃុំណងឃីឡឹក ស្រុកកោះញ៉ែក ជារៀងរាល់ថ្ងៃ ដោយគេពុំឃើញកម្លាំងសមត្ថកិច្ចបរិស្ថាន ឬក៍អាជ្ញាធរឃុំណងឃីឡឹក និងលោក ឌឹម នី អភិបាលនៃគណអភិបាលស្រុកកោះញ៉ែកចុះធ្វើការទប់ស្អាត់នៅឡើយ។
បើតាមការបង្ហើបពីប្រជាពលរដ្ឋថា ដីព្រៃការពារដោយបរិស្ថានស្រែពកចំណុចឃុំណងឃីឡឹក ស្រុកកោះញ៉ែកនេះ ឧកញ៉ាម្នាក់នេះ បានធ្វើការសម្របសម្រួលនិងប្រមូលទិញដីព្រៃទាំងនោះ(រហូតដល់រាប់ពានហិក.តាឯណ្ណោះ។ តែបច្ចុប្បន្ននេះ ត្រូវបានគេកាត់ទន្ទ្រានយកបានផ្ទៃដីទាំងនោះប្រមាណជា ៣០០ ទៅ៤០០ហិក.តាទៅហើយ។
លោក ឆៅ ប៊ុនធឿន ប្រធានមន្ទីរបរិស្ថានខេត្តមណ្ឌលគិរី នៅថ្ងៃទី០៨ខែកញ្ញាឆ្នាំ២០២៣ព្រឹកមិញនេះ យើងមិនអាចសុំការបំភ្លឺពីលោកបានទេ ព្រោះលេខទូរស័ព្ទរបស់លោកពុំអាចធ្វើការទំនាក់ទំនងបាន។
យ៉ាងណាក៍ដោយលោក ឌឹម នី អភិបាលនៃគណអភិបាលស្រុកកោះញ៉ែក ខេត្តមណ្ឌលគិរី ពាក់ព័ន្ធករណីការកាប់ព្រៃឈើទន្ទ្រានយកដីការពារដោយបរិស្ថានស្រែពកស្ថិតនៅភូមិចុងឆេង ឃុំណងឃីឡឹក ស្រុកកោះញ៉ែកនេះ លោកថា លោកនឹងឱ្យមន្ត្រីថ្នាក់ស្រុករបស់ចុះត្រួតពិនិត្យ លើផ្ទៃដីដែលជនខិតខូចកំពុងធ្វើការកាប់ព្រៃឈើទន្ទ្រានយកដីរបស់រដ្ឋខាងលើនេះ៕
