លោក អាន អង្គារ៉ា មេគយច្រកទ្វាព្រំដែនអន្តរជាតិអូរយ៉ាដាវខេត្តរតនគិរី កំពុងបើកភ្លើងខៀវ ឱ្យរថយន្តសាំយ៉ុងប្រមាណជិត ១០គ្រឿង ឆ្លងចូលទៅវៀតណាមដោយគ្មានការត្រួតពិនិត្យ
ខេត្តរតនគិរី៖ ក្រុមប្រជាពលរដ្ឋបានឱ្យដឹងថា ថ្មីៗនេះលោក អាន អង្គារ៉ា មេគយច្រកទ្វាអន្តរជាតិអូរយ៉ាដាវ ខេត្តរតនគិរី កំពុងបើកភ្លើងខៀវឱ្យរថយន្តសាំយ៉ុងរបស់ឈ្មួញប្រមាណជិត១០គ្រឿង បើកសម្រុកឆ្លងបារាស់ព្រំដែនអន្តរជាតិអូរយ៉ាដាវ ដោយគ្មានការត្រួតពិនិត្យ។
បើតាមការឱ្យដឹងពីក្រុមប្រជាពលរដ្ឋថា ក្នុងចំណោមប្រភេទរថយន្តឈ្មូញតូចធំចេញចូលតាមច្រកទ្វាអន្តរជាតិអូរយ៉ាដាវនេះ ត្រូវបានគេសង្កេត់ឃើញថា មានតែរថយន្តសាំយ៉ុងប្រមាណជិត១០គ្រឿងនេះទេ ដែលចំឡែកជាងគេនោះ គឺត្រង់ថារថយន្តសាំយ៉ុងទាំងនេះបានចង់តង់គ្របហុំជិត នឹងមានការរៀបចំទ្រង់ទ្រាយរបៀបស្តុករបស់អ្វីម្យ៉ាងនៅលើរថយន្តទាំងនេះដូចៗគ្នា ហើយមិនតែប៉ុណ្ណោះ រថយន្តទាំងនោះក្រុមឈ្មួញគេបានយកកង់សារគួរចំនួន០២គ្រប់ ដូចៗគ្នាស្តុកទុកនៅខាងលើផ្នែកខាងក្រោយរថយន្តទាំងអស់។
ជាក់ស្តែង នៅព្រឹកថ្ងៃទី៩ ខែកញ្ញា ឆ្នាំ២០២៣ រហូតដល់ថ្ងៃទី១១ កញ្ញានេះ ត្រូវបានគេឃើញប្រភេទរថយន្តសាំយ៉ុងទាំងនេះ កំពុងសម្រុកដឹកជញ្ជូនយ៉ាងសកម្មបំផុត នៅលើកំណាត់ផ្លូវជាតិលេខ78A ឆ្ពស់ទៅច្រកទ្វាអន្តរជាតិអូរយ៉ាដាវឆ្លងទៅប្រទេសវៀតណាមយ៉ាងគំហុក ដោយគ្មានការត្រួតពិនិត្យពីមន្រីគយនៅចាំច្រកព្រំដែនអូរយ៉ាដាវនេះឡើយ។
បើតាមការបង្ហើបឱ្យដឹងពីប្រជាពលរដ្ឋថា រថយន្តសាំយ៉ុងប្រមាណជិត១០គ្រឿងនេះ គឺមិនមែនជារថយន្តក្រុមឈ្មួញមួយចំនួននៅក្នុងខេត្តរតនគិរីនេះទេ រថយន្តទាំងនេះ គឺត្រូវបានឆ្លងកាត់ខេត្តផ្សេង ហើយបានបោះពួយក្នុងល្បឿនយ៉ាងលឿនៗ ដែលបានធ្វើឱ្យប្រជាពលរដ្ឋដាក់ការសង្ស័យទៅរថយន្តទាំងនេះថា និង
មានផ្ទុំបទល្មើសផ្សេងៗ ដូចជាបទល្មើសព្រៃឈើឆ្លងដែនដោយខុសច្បាប់ ជាដើម។
ពលរដ្ឋថា ហ្វោងរថយន្តសាំយ៉ុងទាំងនេះ មានរថយន្តខ្លះមើលទៅមិនសូវធ្ងន់ប៉ុន្មានទេ តែខ្លះទៀតគឺមានទំទម្ងន់ធ្ងន់យ៉ាងខ្លាំង បើកបរទៅមុខស្ទើរឡែងរួចតែម្តង។ តែបើមន្ត្រីវិញ គឺមិនខ្វល់ពីការត្រួតពិនិត្យទៅលើរថយន្តទាំងនេះឡើយ គឺអង្គុយចាំរាប់តែក្បាលឡានគ្រប់ប្រភេទយកលុយហោប៉ាវតែប៉ុណ្ណោះ។
លោក អាន អង្គារ៉ា មេគយច្រកទ្វាអន្តរជាតិអូរយ៉ាដាវ នៅរសៀលថ្ងៃទី១១ ខែកញ្ញានេះ BNN និង គេហទំព័រ ស្លាបប៉ាកកាទឹកខ្មៅ បានធ្វើការទំនាក់ទំនងតាមទូរស័ព្ទសុំការបំភ្លឺពីលោក ពាក់ព័ន្ធរកណីរថយន្តដឹកទំនិញជាច្រើនពីប្រទេសវៀតណាម ចូលមកខ្មែរ ពីប្រទេសកម្ពុជាចូលទៅវៀតណាម មិនត្រូវបានគេឃើញមានការត្រួតពិនិត្យនោះទេ តែទូរស័ព្ទរបស់លោក បានខលចូលហើយ តែគ្មានអ្នកលើកទទួល។
ចំណែក លោក ស៊ឹម លិន ប្រធានច្រកទ្វាអន្តរជាតិអូរយ៉ាដាវ កាលពីព្រឹកថ្ងៃទី៩ ខែកញ្ញានេះ លោកបានឱ្យដឹងថា ករណីរថយន្តដឹកទំនិញទាំងនេះ គឺឈ្មួញបានធ្វើការដឹកជញ្ជូនទំនិញពីប៉ោយប៉ែតខេត្តបន្ទាយមានជ័យ ជាប្រភេទផ្លែឈើដែលនាំពីប្រទេសថៃ និងពីខេត្តព្រះវិហារមួយចំនួន ដឹកជញ្ជូនឆ្លងទៅលក់នៅ វៀត ណាម តាមច្រកអន្តរជាតិអូរយ៉ាដាវនេះ។
បើទោះជាដូចច្នេះក៍ដោយ រថយន្តដែលមន្ត្រីគយគ្មានការត្រួតពិត្យហើយបានបើកបារាស់អោយចេញចូលតាមអំពើរចិត្តនោះ ត្រូវបានប្រជាពលរដ្ឋដាក់ការសង្ស័យថា រថយន្តសាំយ៉ុងប្រមាណជិត១០គ្រឿងនេះ អាចនឹងមានការពាក់ព័ន្ធមានផ្ទុកបទល្មើសឆ្លងដែនដោយខុសច្បាប់៕
