លោក មឿង ភក្ត្រា”ហៅបារាំង”ប្រធានស្នាក់ការបរិស្ថានស្រុកអូរគ្រៀងសែនជ័យខេត្តក្រចេះ បានបង្កើតឱ្យមានបទល្មើសព្រៃឈើយ៉ាងក្តៅគគុក ដោយមានការបើកផ្លូវឱ្យឈ្មួញឈើចំនួន៣នាក់ និងមានរថយន្តសាំយ៉ុងដឹកបទល្មើសព្រៃឈើខុសច្បាប់ជាង១០គ្រឿង លួចចូលដឹកឈើក្នុងស្រុកអូរគ្រៀងសែនជ័យរាល់យប់
ខេត្តក្រចេះ៖ បទល្មើសព្រៃឈើកើតមានយ៉ាងពេញបន្ទុកដោយខុសច្បាប់ ក្នុងស្រុកអូរគ្រៀងសែនជ័យ ដោយមានការឃុបឃិតបង្កើតឱ្យមានបទល្មើសព្រៃឈើដោយមន្ត្រីស្នាក់ការបរិស្ថានស្រុកអូរគ្រៀងសែនជ័យ។ ជាក់ស្តែង កាលពីយប់ថ្ងៃទី១២ រហូតដល់យប់ថ្ងៃទី១៤ វេលាម៉ោងប្រមាណជាង១ រំលង់អធ្រាត្រ នៅខែតុលា ឆ្នាំ២០២៣នេះ ត្រូវបានប្រជាពលរដ្ឋឃើញមានរថយន្តប្រភេទសាំយ៉ុងដែលបានលួចចូលទៅដឹកឈើនៅចំណុច កោះខ្ញែរ និងផ្លូវចូលទៅត្បូងខ្លា និងចំណុចផ្ទះលោក យ៉ុង ដែលជាបក្ខពួកឈ្មួញឈើល្មើសច្បាប់ ដែលមានទីតាំងស្តុកឈើឱ្យក្រុមឈ្មួញឈើល្មើសច្បាប់ ស្ថិតនៅលើផ្ទៃដីផ្ទះរបស់ខ្លួននៅភូមិ អូរព្រះ ឃុំអូរកណ្ឌៀរសែនជ័យ ស្រុកអូរគ្រៀងសែនជ័យ ខេត្តក្រចេះ។
ក្រុមប្រជាពលរដ្ឋស្រុកអូរគ្រៀងសែនជ័យថា ឈ្មួញឈើសកម្មទាំងបីរនាក់នេះត្រូវគេស្គាល់ត្រឹមតែឈ្មោះ៖
ទី1,លោក ឆាយ
ទី2’ឈ្មោះលោកអូន
ទី3,ឈ្មោះលោក ឆយ ឈ្មួញឈើទាំង០៣នាក់នេះ ត្រូវបានលោក មឿង ភក្ត្រា “ហៅលោកបារាំង” ប្រធានស្នាក់ការបរិស្ថានស្រុកអូរគ្រៀងសែនជ័យ អនុញ្ញាតអោយចូលទៅដឹកជញ្ជូនផលអនុផលព្រៃឈើ ក្នុងភូមិសាស្ត្រចំនួនបីរទីតាំង រួមមានដូចខាងក្រោម៖
ទី1,ចំណុចកោះខ្ញែរ ភូមិកោះខ្ញែរ ឃុំអូរគ្រៀង ស្រុកអូរគ្រៀងសែនជ័យ។
ទី2,ចំណុចផ្លូវដុងភូ ស្ថិតនៅភូមិអូរព្រះ ឃុំអូរកណ្ឌៀរសែនជ័យ ស្រុកអូរគ្រៀងសែនជ័យ។
ទី3,ចំណុចផ្លូវចូលត្បូងខ្លា ស្ថិតនៅភូមិអូរកណ្ឌៀរ ឃុំអូរកណ្ឌៀរសែនជ័យ ស្រុកអូរគ្រៀង ខេត្តក្រចេះ។
ពលរដ្ឋថា លោក ឆាយ ជាឈ្មួញឈើសកម្ម រូបគេមានរថយន្តសាំយ៉ុងដឹកឈើខុសច្បាប់ ២គ្រឿង និងរថយន្ត០១គ្រឿង ម៉ាកលុចស៊ីសពណ៌ ស សម្រាបជិៈមើលផ្លូវនិងបិតគូថន៍ រថយន្តអ្នកកសែតដែលតាមថតយករូបភាព ដើម្បីយកទៅធ្វើការផ្សព្វផ្សាយ ព័ត៌មាន រាយការណ៍ជូនដល់ថ្នាក់ដឹកនាំ ដើម្បីជួយចំណាត់ការទប់ស្កាត់និងធ្វើការបង្ក្រាប ជាដើម។
លោក អូន មានរថយន្តសាំយ៉ុងចំនួន ០៣គ្រឿង សម្រាប់សម្រួលបទល្មើសព្រៃឈើឆ្លងខេត្ត ។ ចំណែកលោក ឆយ គឺជាឈ្មួញឈើសកម្មក្នុងការដឹកជញ្ជូនបទល្មើសព្រៃឈើគ្មានច្បាប់អនុញ្ញាត ដោយមានរថយន្តសាំយ៉ុងចំនួន ៣គ្រឿង សម្រាបសម្រួលបទល្មើសឆ្លងខេត្ត ហើយឈើដែលគេធ្វើជំនួញល្មើសច្បាប់ទាំងនេះជាប្រភេទឈើ ក្តារកកោះ ឈើសុក្រម និងប្រភេទឈើស្រឡៅ ជាដើម។ មិនតែប៉ុណ្ណោះ ឈ្មួញឈើសកម្មទាំង ៣នាក់នេះ រូបគេបានឱ្យប្រជាពលរដ្ឋចូលទៅកាត់ឈើនៅតំបន់ព្រៃឡង់ ហើយឈើទាំងនេះត្រូវគេដឹកជញ្ជូនតាមរយៈគោរយន្តកន្ត្រៃ មកទម្លាក់តាមមាត់ទន្លេ ដោយជញ្ជូនឆ្លងទន្លេបន្តតាមទូកចូលមកជ្រកនៅក្បែចិញ្ចើមសំយ៉ាបផ្ទះរបស់ប្រជាពលរដ្ឋនៅម្តុំកោះខ្ញែរ និង ផ្លូវចូលត្បូងខ្លា ទីតាំងមួយផ្នែកទៀត នៅចំណុចព្រៃការពារដោយបរិស្ថានភ្នំសេះ។
លោក ឆាយ ដួងសាវុធ ប្រធានមន្ទីរបរិស្ថានខេត្តក្រចេះ នៅរសៀលថ្ងៃទី១៥ ខែតុលានេះ BNN និង គេហទំព័រ ស្លាបប៉ាកកាទឹកខ្មៅ មិនអាចសុំការបំភ្លឺពីលោកបានទេ ពាក់ព័ន្ធករណីលោក មឿង ភក្ត្រា “ហៅបារាំង”ប្រធានស្នាក់ការបរិស្ថានស្រុកអូរគ្រៀងសែនជ័យ បើភ្លើងខៀវឱ្យរថយន្តឈ្មួញឈើ ចូលដឹកឈើខុសច្បាប់ នៅស្រុកអូរគៀងសែនជ័យខាងលើនេះម៉ាសេរី ដោយពួកគេដេកចាំបំភ្លឺភ្លើងបំពូល ចាំរាប់ក្បាលឡាន យកលុយពីឈ្មួញឈើល្មើសច្បាប់ទាំងនេះ។
លើសពីនេះប្រជាពលរដ្ឋនៅស្រុកអូរគ្រៀងសែនជ័យ ក៍សុំសំណូមពរដល់លោកឧត្តមសេនីយ៍ត្រី សាន្ត ប៊ុនថាន មេបញ្ជាការកងរាជអាវុធហត្ថខេត្តក្រចេះ និងឯកឧត្តម វ៉ា ថន អភិបាលនៃគណៈអភិបាលខេត្តក្រចេះ សូមលោកទាំងពីរមេត្តាជួយធ្វើការទប់ស្កាត់ និងបង្ក្រាប ឈ្មួញឈើសកម្មទាំងបីរអ្នកនេះផង ឈ្មួញទាំងនេះដែលមានឈ្មោះលោក ឆយ ,លោក អូន ,និងឈ្មោះលោក ឆាយ ឈ្មួញឈើទាំងនេះកំពុងដឹកជញ្ជូនឈើ និងបំផ្លិចបំផ្លាញ់ឈើចេញពីព្រៃឡង់នៃខេត្តក្រចេះយ៉ាងក្តៅគគុក។ ដោយគេសង្កេតថា ការកាប់បំផ្លាញ់ព្រៃឈើធម្មជាតិព្រៃឡង់យ៉ាងធ្ងន់ធ្ងូ ពីសំណាក់ឈ្មួញឈើសកម្មទាំងនេះ។
ពាក់ព័ន្ធករណីបទល្មើសធនធានធម្មជាតិនៅចំណុចព្រៃឡង់ ក្នុងទឹកដីខេត្តក្រចេះ កាលពីពេលថ្មីៗនេះ ឯកឧត្តម នាយឧត្តមសេនីយ៍ សៅ សុខា បានបញ្ជាដាច់ណាត់ រឿងការកាប់បំផ្លាញព្រៃឈើលក់ដោយគគ្លើន ខាងលើនេះលោកថានិងឱ្យកម្លាំងអាវុធហត្ថលើផ្ទៃប្រទេស និង កម្លាំងអាវុធហត្ថខេត្តក្រចេះចាប់បង្ក្រាបដោយគ្មានការយោកយល់ឡើយ៕
