ស្ងាត់ៗលោក នឿ បើកវង់ល្បែងស៊ីសង”មាន់ជល់និងអាប៉ោងខុសច្បាប់ទ្រង់ទ្រាយធំ ក្នុងស្រុកស្ទឹងត្រងខេត្តកំពង់ចាម ចំណែកអាជ្ញាធរមូលដ្ឋាននិងអធិការស្រុកស្ទឹងត្រងបានរក្សាភាពស្ងៀមស្ងាត់គ្មានចំណាត់ការ ចុះបង្ក្រាប
ខេត្តកំពង់ចាម៖ ក្រុមប្រជាពលរដ្ឋបានឱ្យដឹងថា មួយរយៈពេលថ្មីៗនេះលោក នឿរ ចាប់ផ្តើមបើកវង់ល្បែងស៊ីសងទ្រង់ទ្រាយធំទៀតហើយ តែចំណែកលោក ទុន នេត អភិបាលស្រុកស្ទឹងត្រង និងលោក ឯម វឌ្ឍនា អធិការស្រុកស្ទឹងត្រង បានរក្សាភាពស្ងៀមស្ងាត់។
ជាក់ស្តែង នៅរសៀលថ្ងៃទី០១ ខែវិច្ឆិកាឆ្នាំ២០២៣នេះ ប្រជាពលរដ្ឋបានប្រទះឃើញ ទីតាំងមាន់ជល់លើដី(តខ្នាយផ្លែដែក និងផ្លែកាំបិទ រួមមានទាំងល្បែងប្រភេទ អាប៉ោង) កំពុងបើឱ្យមនុស្សជាច្រើនកុះករចូលទៅលេងចាក់ភ្លាល់លុយ យ៉ាងគគ្រឹក គគ្រេង នៅចំណុចផ្លូវចូលតាមការាស់សាំងរបស់លោក នឿរ ស្ថិតនៅភូមិគីឡូ១០ ឃុំអារក្សត្នោត ស្រុកស្ទឹងត្រង ខេត្តកំពង់ចាម ។
ពលរដ្ឋថា ទីតាំងល្បែងស៊ីសង អាប៉ោង និងមាន់ជល់លើដី ផ្លែដែកនិងផ្លែកាំបិទខាងលើនេះ ឈ្មោះលោក នឿ បានបើឱ្យប្រជាជនខ្មែរ ចូលលេងល្បែងភ្នាល់លុយទាំងនេះជារៀងរាល់ថ្ងៃ។
ប្រជាពលរដ្ឋបានបញ្ជាក់យ៉ាងច្បាស់ទៀតថា ឈ្មោះលោក នឿ រូបនេះ គេបានបើកវង់ល្បែង និងមាន់ជល់លើដី ចំណុចភូមិគីឡូ១០ ឃុំអារក្សត្នោត ស្រុកស្ទឹងត្រង ចំណុចខាងលើនេះជារៀងរាល់ឆ្នាំ តែគេពុំដែលឃើញមានអាជ្ញាធរនិងសមត្ថកិច្ចក្នុងស្រុកស្ទឹងត្រង ចុះទៅហាមឃាត់ ឬធ្វើការទប់ស្កាត់ចុះបង្ក្រាបម្តងណាឡើយ។
ពលរដ្ឋបន្តថា ករណីមាន់ជល់ និង អាប៉ោង ខុសច្បាប់ នៅចំណុចភូមិ-ឃុំ ខាងលើនេះជារៀងរាល់ឆ្នាំរហូតមក លោក នឿ នៅតែបន្តបង្កើនសកម្មភាព បើកសង្វៀនមាន់ជល់ចាក់ភ្នាល់លុយយ៉ាងក្តៅគគុកនៅក្នុងស្រុកស្ទឹងត្រងខេត្តកំពង់ចាមនេះដោយរលូន។
ករណីវង់ល្បែងមាន់ជល់ និង អាប៉ោង ខុសច្បាប់ របស់លោក នឿរ ដែលគេស្គាល់ថា ជាអ្នកបង្កើតទីតាំងល្បែងស៊ីសងទ្រង់ទ្រាយធំ ក្នុងបរិវេនចំការដីរបស់ឈ្មោះ គ៌ា ក្នុងស្រុកស្ទឹងត្រងខេត្តកំពង់ចាមនេះ ពាក់ព័ន្ធករណីវង់ល្បែងស៊ីសងទ្រង់ទ្រាយធំ ខាងលើនេះ លោក ឯម វឌ្ឍនា អធិការស្រុកស្ទឹងត្រង នៅរសៀលថ្ងៃទី០១ខែវិច្ឆិកានេះ ទូរទស្សន៍អនឡាញ BNN និង គេហទំព័រ ស្លាបប៉ាកកាទឹកខ្មៅ slabpakkatikhmav បានសម្ភាសសួរទៅលោក ករណីមាន់ជល់លើដី និង អាប៉ោង ខុសច្បាប់នៅចំណុចភូមិគីឡូ១០ ឃុំអារក្សត្នោត ស្រុកស្ទឹងត្រង ខេត្តកំពង់ចាម ខាងលើនេះលោកគ្រាន់តែចូលមើល របាយការណ៍តាម Telegram តែប៉ុណ្ណោះ ដោយលោកមិនបានឆ្លើយតបសារទាំងនេះឡើយ។
ករណីវង់ល្បែងស៊ីសងទ្រង់ទ្រាយធំ នៅចំណុចចំការរបស់ឈ្មោះលោក គ៌ា ដែល លោក នឿរ បានបើកសង្វៀនមាន់ជល់ និង អាប៉ោង ទ្រង់ទ្រាយធំ ដែលប្រជាពលរដ្ឋយកលុយពីផ្ទះរបស់ខ្លួនរាប់លានរៀល ទៅលេងល្បែងស៊ីសងទាំងនេះ នៅចំណុចភូមិគីឡូ១០ ឃុំអារក្សត្នោត ស្រុកស្ទឹងត្រង ខាងលើនេះ លោក ទុន នេត អភិបាលស្រុកស្ទឹងត្រង នៅរសៀលថ្ងៃទី០១ខែវិច្ឆិកាឆ្នាំ២០២៣នេះ លោកបានថ្លែងបដិសេដ្ឋតាមប្រព័ន្ធ Telegram ថាវង់ល្បែងមាន់ជល់ទ្រង់ទ្រាយធំ នៅចំកាឈ្មោះលោក”គ៌ា “ដែលលោក នឿរ បើកសង្វៀនមាន់ជល់ខុសច្បាប់ និង ល្បែងស៊ីសង អាប៉ោង ខាងលើនេះ លោកថា គ្មានសកម្មភាពវង់ល្បែងស៊ីសងដោយខុសច្បាប់ នៅលើទឹកដីស្រុកស្ទឹងត្រងនោះទេ។ លោកថា តាំងពីលោកចូលកាន់តំណែងជាអភិបាលស្រុកស្ទឹងត្រង រាប់ឆ្នាំមកហើយ លោកមិនចូលចិត្តល្បែងស៊ីសងទាំងនេះទេ លោកក៍មិនឱ្យកើតមានល្បែងស៊ីសងនៅក្នុងស្រុកស្ទឹងត្រងនេះដែរ។
លោក នឿរ បានបញ្ជាក់ប្រាប់តាមទូរស័ព្ទថា នៅរសៀលថ្ងៃទី១ ខែវិច្ឆិកានេះថា វង់ល្បែងមាន់ជល់ខុសច្បាប់ នៅចំណុចភូមិគីឡូ១០ ឃុំអារក្សត្នោត ស្រុកស្ទឹងត្រងនេះ លោកពិតជាបានបើកល្បែងទាំងនេះឱ្យពលរដ្ឋខ្មែរ ចូលទៅពិតប្រាកមែន។ តែលោកថា ករណីលោកបើកវង់ល្បែងស៊ីសងត្រងទ្រាយធំអោយប្រជាជនខ្មែរ ចូលទៅលេងចាក់ភ្នាល់លុយខាងលើនេះ លោកបានរត់ការលុយឱ្យទៅសមត្ថកិច្ចមូលដ្ឋានស្រុកស្ទឹងត្រង រហូតដល់សមត្ថកិច្ចខេត្តកំពង់ចាមរួចអស់ហើយ។
បើទោះជាដូចច្នេះក៍ដោយ ប្រជាពលតដ្ឋរស់នៅក្នុងឃុំអារក្សត្នោត ស្រុកស្ទឹងត្រង នៅរសៀលថ្ងៃទី៣ ខែវិច្ឆិកា ឆ្នាំ២០២៣នេះ ពលរដ្ឋថា ក្រោយពីមានសេចក្តីរាយការណ៍ថា លោក នឿរ បានបើសង្វៀនមាន់ជល់ និងអាប៉ោង ខ្នាតទ្រងទ្រាយធំនៅចំណុចទីតាំងខាងលើ នៅថ្ងៃទី៣ វិច្ឆិកានេះ លោកនឿរ បានប្តូរទីតាំងវង់ល្បែងខាងលើនេះថ្មីទៀត ចំង៉ាយពីទីតាំងចាស់ប្រមាណជា០៣គីឡូដី តែទីតាំងថ្មីនេះ នៅចំណុចភូមិគីឡូ១០ ឃុំអារក្សត្នោត ស្រុកស្ទឹងត្រងដ៍ដែល ពួកគេគ្រាន់តែប្តូរទីតាំងថ្មីតែប៉ុណ្ណោះ។
ករណីវង់ល្បែងស៊ីសងខុសច្បាប់ របស់លោក នឿរ ប្រជាពលរដ្ឋស្រុកស្ទឹងត្រង សំណូមពរដល់ឯកឧត្តម អ៊ុន ចាន់ដា អភិបាលខេត្តកំពង់ចាម និង លោក ឯម កុសល ស្នងការរដ្ឋាននគរបាលខេត្តកំពង់ចាម សូមលោកទាំងពីរ ជួយមានចំណាត់ទប់ស្កាត់និងចុះបង្ក្រាបល្បែងមាន់ជល់និងអាប៉ោងទ្រង់ទ្រាយធំ ភូមិគីឡូ១០ឃុំអារក្សត្នោតស្រុកស្ទឹងត្រងនេះផង៕
