ឃាត់ខ្លួនលោកផ្កាយ២ ឈ្មោះ វ៉ាន់ កុសល់ និងបក្ខពួក ៤នាក់ទៀត បញូនខ្លួនទៅកាន់តុលាការ ពាក់ព័ន្ធករណីគ្រឿងញៀន
ភ្នំពេញ៖ សមត្ថកិច្ច កាលពីរសៀលថ្ងៃទី១០ ខែវិច្ឆិកានេះ បានឃាត់ខ្លួនមន្ត្រីថ្នាក់ផ្កាយ ២ម្នាក់ ឈ្មោះ វ៉ាន់ កុសល មានឋានៈជាអនុប្រធានមន្ទីរគ្រឿងញៀន និង បក្ខពួក៤នាក់ទៀត បញ្ជូនទៅកាន់សាលាដំបូងរាជធានីភ្នំពេញ ពាក់ព័ន្ធបទល្មើសគ្រឿងញៀន។
សូមជម្រាបថា នៅថ្ងៃទី១០ ខែវិច្ឆិកា ឆ្នាំ២០២៣នេះ សមត្ថកិច្ចជាន់ខ្ពស់បានថ្លែងប្រាប់ឲ្យដឹងថា មានមន្ត្រីនគបាលថ្នាក់ឧត្តមសេនីយ៍ទោមួយរូប ត្រូវបានឃាត់ខ្លួន ជាមួយបក្ខពួក ៤នាក់ទៀត ពាក់ព័ន្ធករណីគ្រឿងញៀន មន្ត្រីថ្នាក់ផ្កាយ២ រូបនេះមានឈ្មោះ វ៉ាន់ កុសល មានឋានៈជាអនុប្រធានមន្ទីរគ្រឿងញៀន។
លោកផ្កាយ២និងគូកនករណីជាប់ពាក់ព័ន្ធគ្រឿងញៀនខាងលើនេះ ត្រូវបានគេនាំខ្លួនទៅកាន់តុលាការ ដើម្បីប្រគល់ជូនខាងតំណាងអាយ្យការ ដើម្បីធ្វើការសួរនាំទៅតាមផ្លូវច្បាប់ ពាក់ព័ន្ធក្នុងសំណុំរឿងបញ្ហាគ្រឿងញៀន ដែលខ្លួនគ្រប់គ្រង និងបញ្ហាមួយចំនួនផ្សេងទៀត ដែលមិនទាន់ត្រូវបានគេទម្លាយការពិតឲ្យដឹងនៅឡើយ។
បច្ចុប្បន្ន មន្ត្រីពាក់ផ្កាយ២ និងបក្សពួក ៤នាក់ ត្រូវបានកម្លាំងសមាជិកបញ្ជូនខ្លួនទៅដល់សាលាដំបូងហើយ ប៉ុន្តែមិនទាន់បានធ្វើការសួរនាំទេ ដោយលើកពេលទៅព្រឹកស្អែកថ្ងៃទី១១ ខែវិច្ឆិកា ឆ្នាំ២០២៣វិញ៕
