លោក មួង នឿន អភិបាលស្រុកបន្ទាយមាស ត្រូវបានប្រកាសចូលកាន់មុខតំណែងថ្មីជាអភិបាល នៃគណៈ អភិបាល ស្រុក អង្គរជ័យ ចំណែកលោក ស៊ីវ ផេង អភិបាលស្រុកដងទង់ចូលកាន់កាន់តំណែងថ្មីជាអភិបាលស្រុកបន្ទាយមាស
ខេត្តកំពត ៖ លោក មួង នឿន អភិបាលស្រុកបន្ទាយមាស នៅព្រឹក ថ្ងៃ ទី ៣០ ខែ សីហា ឆ្នាំ ២០២២ ត្រូវបានប្រកាសចូលកាន់មុខតំណែងថ្មី ជាអភិបាលស្រុកអង្គរជ័យវិញ ។
ពិធីចូលកាន់មុខតំណែងជាអភិបាលស្រុកថ្មីនេះ បានប្រារព្ធធ្វើឡើងក្រោមអធិបតីភាពឯកឧត្តម បណ្ឌិត ម៉ៅ ធនិន អភិបាល នៃ គណៈ អភិបាលខេត្ត កំពត ដែលបានរៀបចំឡើងនៅសាលាស្រុក អង្គរជ័យ ។
ការអញ្ជើញចូលរួមក្នុងឱកាសនោះ រួមមាន ឯកឧត្តម លោកជំទាវ សមាជិក ក្រុមប្រឹក្សា ខេត្ត អភិបាលរងខេត្ត លោកនាយករដ្ឋបាលសាលាខេត្ត លោក លោកស្រី នាយករងរដ្ឋបាល សាលាខេត្ត លោកស្នងការ លោកមេបញ្ជាការ កងកម្លាំងប្រដាប់អាវុធ លោក លោកស្រី ប្រធានមន្ទីរ អង្គភាព ជុំវិញ ខេត្ត លោក លោកស្រី នាយក នាយករងទីចាត់ការ ប្រធាន អនុប្រធាន អង្គភាពចំណុះសាលាខេត្តលោក លោកស្រី អភិបាលក្រុង ស្រុក លោក លោកស្រី មេឃុំ មេភូមិ និង មន្ត្រីរាជការ ចំណុះ រដ្ឋបាល ស្រុក អង្គរជ័យ យ៉ាងច្រើន កុះករ ។
សូមជម្រាបថា យោងអនុក្រឹត្យរបស់រាជរដ្ឋាភិបាលកម្ពុជាលេខ ៦៥០ អនក្រ. ត តចុះថ្ងៃទី១៨ ខែសីហា ឆ្នាំ ២០២២ ត្រូវបានផ្ទេរភារកិច្ច លោក មួង នឿន ពីអភិបាលនៃគណៈអភិបាលស្រុកបន្ទាយមាស ទៅជាអភិបាលនៃគណៈអភិបាលស្រុកអង្គរជ័យវិញ។
ចំណែកលោក ស៊ីវ ផេង អភិបាលស្រុកដងទង់ ត្រូវប្តូមកកាន់តំណែងជាថ្មី អភិបាលស្រុកបន្ទាយមាស ការចូលកាន់មុខតំណែងថ្មីនេះ បានធ្វើឡើងនៅរសៀលថ្ងៃអង្គារ ៤កើត ខែភទ្របទ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៣០ ខែសីហា ឆ្នាំ២០២២ ឯកឧត្តម ជឹង ផល្លា ប្រធានក្រុមប្រឹក្សាខេត្តកំពត។
យោងអនុក្រឹត្យរបស់រាជរដ្ឋាភិបាលកម្ពុជាលេខ៦៥០ អនក្រ.តត ចុះថ្ងៃទី១៨ ខែសីហា ឆ្នាំ២០២២ ត្រូវបានផ្ទេរភារកិច្ចលោក ស៊ីវ ផេង ពីអភិបាល នៃគណៈអភិបាលស្រុកដងទង់ ទៅជាអភិបាល នៃគណៈអភិបាលស្រុកបន្ទាយមាស៕
