សមត្ថកិច្ចរកឃើញគ្រឿងញៀនប្រមាណ២រយគ.ក ក្នុងឡានផ្លាកលេខខេមរភូមិន្ទពេលជួបគ្រោះចរាចរណ៍
ថ្ងៃចេញផ្សាយៈ November 14, 2022
ភ្នំពេញ៖ សមត្ថកិច្ចឲ្យដឹងថា គេបានរឹបអូស គ្រឿង ញៀន ចំនួន១៦ កេស មានទម្ងន់ ប្រហែល ២០០ គីឡូក្រាម ពីក្នុងរថយន្តមួយគ្រឿងដែលមានផ្លាក លេខខេមរភូមិន្ទ បន្ទាប់ពីបានបង្កគ្រោះថ្នាក់ចរាចរណ៍ ដោយបុករះ ទៅលើរថយន្ត ២គ្រឿង នៅលើផ្លូវជាតិលេខ១ ក្នុងសង្កាត់វាលស្បូវ ខណ្ឌច្បារអំពៅ រាជធានីភ្នំពេញ។
ហេតុការណ៍ នៃ គ្រោះថ្នាក់ចរាចរណ៍នេះ បានកើតឡើង កាលពីវេលាម៉ោង ១១:៣០នាទីយប់ ថ្ងៃទី១៣ ខែវិច្ឆិកា ឆ្នាំ២០២២។យ៉ាងណាក៏ដោយអ្នកនៅក្នុងរថយន្តនោះដែលគេដឹងថាមានពីរនាក់បានគេចខ្លួនដោយសុវត្ថិភាព។
មន្ត្រីនគរបាលបានបញ្ជាក់ថាៈ បច្ចុប្បន្នវត្ថុតាងគ្រឿង ញៀន ដែលរឹបអូសបាន រួមទាំងរថយន្ត ត្រូវបានយក ទៅរក្សាទុកនៅអធិការដ្ឋាន នគរបាលខណ្ឌច្បារអំពៅ ជាបណ្តោះអាសន្ន ដើម្បីធ្វើការស្រាវជ្រាវ ជាបន្តទៀត៕
