ពិធីចូលឆ្នាំចិនសាលាក្រុងបានណែនាំមិនឱ្យហែរអ្នកតាចិន និងឡកម៉ុងសាយតាមផ្លូវសារណៈក្នុងក្រុងភ្នំពេញ
ភ្នំពេញ : ស្អែកនេះ គឺថ្ងៃទី ២១ ខែមករា ឆ្នាំ ២០២៣ គឺជាថ្ងៃផ្ដើម នៃពិធីចូលឆ្នាំចិនដែលមានរយៈពេល៤ ថ្ងៃ (២១មករា-២៤មករា) ។
សម្រាប់ពិធីប្រពៃណីនេះ ការដង្ហែរអ្នកតា និងឡកម៉ុងសាយលើករាសីគឺជារឿងដែលមិនអាចខ្វះបាន ។ ប៉ុន្តែសម្រាប់ភូមិសាស្ត្ររាជធានីភ្នំពេញនាឆ្នាំនេះសូមអែបខាងសិន។
លោក ម៉េត មាសភក្ដី អ្នកនាំពាក្យសាលារាជធានីភ្នំពេញ បានថ្លែងប្រាប់ក្រុមអ្នករាយណ៍ព័ត៌មានកាល ពីពេលថ្មីៗនេះថា សាលាក្រុងបានណែនាំមិនឲ្យហែរអ្នក តាចិន-ឡកម៉ុងសាយតាមផ្លូវ ឬលើចំណីផ្លូវទេ ព្រោះនាំឱ្យស្ទះចរាចរណ៍ និងនាំឱ្យប៉ះពាល់សណ្ដាប់ ធ្នាប់សាធារ ណៈ ព្រមទាំងការពារគ្រោះថ្នាក់ដែលអាចកើតមានជា យថាហេតុ ។
បើទោះជាច្នេះក៏ដោយលោកថា ពិធីនេះត្រូវបានអនុញ្ញាតឱ្យធ្វើតាមក្បួនប្រពៃណីទំនៀមទំលាប់ ឬជំនឿសាសនារបស់ ចិន ធម្មតា ប៉ុន្តែត្រូវធ្វើនៅទីតាំងសមស្របណាមួយ ដូចជា ព្រះវិហារ និងសមាគមចិនជាដើម។
បើតាមលោក ម៉េត មាសភក្ដី វិធានការនេះ ខាងសមាគមចិនឯកភាពទទួលយកអស់ហើយនៅក្នុងកិច្ចប្រជុំមួយជាមួយសាលារាជធានីភ្នំពេញ៕
