លោក អ៊ាម សុខលីម មេប៉ុស្តិ៍ច្រកទ្វាទ្វេភាគ្គី ជ័យឃ្លាំង នៅតែបន្តឱ្យឈ្មូញឈើ និងធ្យូង ដឹកបទល្មើសព្រៃឈើចូលទៅវៀតណាម យ៉ាងរំភើយ
ខេត្តក្រចេះ៖ ឈ្មួញឈើនៅតែបន្តដឹកជញ្ជូនឈើនិងធ្យូងល្មើសច្បាប់ ចូលតាមច្រកព្រំដែន ជ័យឃ្លាំង ហៅជ្រោះជ្រៅ យ៉ាងរំភើយ ចំណែកសមត្ថកិច្ចតាមផ្លូវk3 និងផ្លូវ88 ចូលទៅតាមក្រវ៉ាត់ព្រំដែនក្បែផ្ទះលោកឧកញ្ញ៉ា គង់ គ្រឹង ក៍កំពុងចាំរាប់ក្បាលឡានយកលុយពីក្រុមឈ្មួញឈើនិងឈ្មួញដឹកធ្យូងឆ្លងដែនទាំងនោះយ៉ាងអណាធិបតេយ្យ។
ប្រជាពលរដ្ឋបាននិយាយថា នៅយប់ថ្ងៃទី១៨ សីហានេះ បើទោះជាមានការរអាក់រអួលករណីការដឹកជញ្ជូនឈើនិងធ្យូងឆ្លងឆ្លងដែនទាំងនេះ ក៍គេសង្កេត់ឃើញមានឈ្មួញមួយចំនួនក៍សម្រុកដឹកឈើនិងធ្យូង ឆ្លងទៅវៀតណាម តាមច្រកព្រំដែន ជ័យឃ្លាំង ចំណុចខាងលើនេះបានយ៉ាងរលូនដែរ។
ក្នុងចំណោមឈ្មួញឈើ និងធ្យូង របស់ស្ត្រីម្នាក់ឈ្មោះ ស្រីមុំ (ហៅចែមុំ) ក៍មានឈ្មួញដែលរួមអាជីព “ឈ្មោះ សៀក “ជាម្ចាស់គោរយន្តកែឆ្នៃខ្នាត់ធំ នៅព្រឹកថ្ងៃទី១៩ ខែសីហា ឆ្នាំ២០២៣នេះ គេបានសម្រុកដឹកឈើលេខ០១ ប្រភេទសុក្រម មូល តាមរយៈគោរយន្តឆ្នៃបានបើកសម្រុកចូលតាមបារាស់ច្រកទ្វាទ្វេភាគ្គី ជ័យឃ្លាំង ឆ្លងចូលទៅប្រទេសវៀតណាម។
ដោយមានឈ្មួញខ្លះបានលួចបង្ហើបប្រាប់ថា ពួកគាត់បានលើកឈើ និងធ្យូង ដាក់លើឡានអស់ទៅហើយ បើនៅតែបន្តស្តុករបៀបនេះទៀត និងមានសមត្ថកិច្ចខ្លះឃើញ(និងធ្វើស៊ីតាមរយៈការចុះចាប់ឡានដែលផ្ទុកឈើទាំងនេះជាក់ជាពុំខាន) គឺចុះចាប់តាមរៀបឈើលើឡាននិងមានកម្លាំងសមត្ថកិច្ចចុះឃាត់រថយន្តទាំងនេះតាមច្បាប់ ដើម្បីឱ្យម្ចាស់ឡានដឹកឈើ ឬដឹកធ្យូងចូលខ្លួនទៅដោះស្រាយ និងផាក់ពិន័យទៅតាមច្បាប់។
យ៉ាងណាក៍ដោយ បទល្មើសព្រៃឈើ និង បទល្មើសព្រៃដែលគេប្រើរូបភាពប្រភេទធ្យូងឆ្លងដែន នៅចំណុចច្រកព្រំដែនជ័យឃ្លាំងនេះ គឺគ្មានការថយចុះឡើយ ចំណែកលោក អ៊ាម សុខលីម វិញរូបលោក គ្មានការទប់ស្កាត់បទល្មើសព្រៃឈើទាំងនេះឡើយ។ ហើយលោកមានតែឱ្យកម្លាំងចម្រុះនៅច្រកព្រំដែន”ជ័យឃ្លាំង ហៅជ្រោជ្រៅនេះ” ធ្វើការគៀងគរឈ្មួញដែលដឹកឈើនិងទំនិញដែនលួចគេចពន្ធនាំចូលមកទឹកដីខ្មែរ យ៉ាងអនាធិបតេយ្យថែមទៀតផង។
បើយ៉ាងនេះក៍ដោយ ប្រជាពលរដ្ឋខ្មែរ នៅស្រុកស្នួលខេត្តក្រចេះ នៅតែទទួចស្នើរសុំដល់ លោកឧត្តមសេនីយ៍ទោ អ៊ូ សុប៊ុណ្ណា ស្នងការរដ្ឋាននគរបាលខេត្តក្រចេះ និងឯកឧត្តម វ៉ា ថន អភិបាលនៃគណអភិបាលខេត្តក្រចេះ មេត្តាចាត់កម្លាំងនគរបាលខេត្ត ដើម្បីចុះស្រាវជ្រាវ និងធ្វើការត្រួតពិនិត្យទៅលើលោក អ៊ាម សុខលីម នាយប៉ុស្តិ៍ ជ័យឃ្លាំង នេះផង។ ព្រោះភាពមិនប្រក្រតីរបស់ក្រមមន្ត្រីជំនាញនៅច្រក ជ័យឃ្លាំង ខាងលើនេះកំពុងតែប្រព្រឹតបទល្មើសព្រៃឈើដ៍ក្តៅគគុកនៅចំណុចច្រកព្រំដែនជ័យឃ្លាំងនេះ៕
