បទល្មើសព្រៃឈើឆ្លងដែនខុសច្បាប់ត្រូវបានលោក ង៉ែត បញ្ញា មេប៉ុស្តិ៍ឡុំលួចបើកឱ្យនាំឈើចូលទឹកដីវៀតណាមយ៉ាងគំហុក
ខេត្តរតនគិរី៖ ប្រជាពលរដ្ឋបានឱ្យដឹងថា បើទោះជាមានការទប់ស្កាត់ពីរាជរដ្ឋាភិបាលយ៉ាងម៉ឺងម៉ាត់យ៉ាងណាក៍ដោយ បទល្មើសព្រៃឈើនៅតែបង្ហូចេញទៅលក់នៅវៀតណាម តាមច្រករបៀងចំប៉ុស្តិ៍នគរបាលការពារព្រំដែនដែនគោក,ប៉ុស្តិ៍ឡុំ យ៉ាងអណាធិបតេយ្យបំផុតទាំងយប់ទាំងថ្ងៃ។
លោក ង៉ែត បញ្ញា មេប៉ុស្តិ៍នគរបាលការពារព្រំដែនគោកឡុំ បន្ទាប់ពីមានការដឹកជញ្ជូនឈើឆ្លងដែនចូលទៅទឹកដីវៀតណាមយ៉ាងគគ្រឹក គគ្រេងនោះ យើងបានព្យាយាមធ្វើការទំនាក់ទំនងតាមទូរស័ព្ទ ដើម្បីរាយការជូនលោកពីបទល្មើសព្រៃឈើទាំងនេះ តែមិនអាចធ្វើការទំនាក់ទំនងលោកបានទេ ព្រោះប្រព័ន្ទទូរស័ព្ទរបស់លោកត្រូវបានបិទ។
អ្នកភូមិបានឱ្យដឹងថា លោក ង៉ែត បញ្ញា មេប៉ុស្តិ៍ឡុំក្រោយពីដឹងថាលោកត្រូវបានគេផ្ទេភារកិច្ច គឺបានប្តូលោកចេញពីមេប៉ុស្តិ៍ការពារព្រំដែនគោកប៉ុស្តិ៍ឡុំនេះ ថ្មីៗនេះលោក ង៉ែត បញ្ញា ហាក់ដូចជាបង្កើបសកម្មភាពបទល្មើសព្រៃឈើឆ្លងដែនទៅលក់នៅទឹកដីប្រទេសវៀតណាម យ៉ាងក្តៅគគុក នៅអំឡុងដើមសីហានេះ។
ជាក់ស្តែង នៅថ្ងៃទី២៨ និង ២៩ ខែសីហា ឆ្នាំ២០២៣នេះ ត្រូវគេឃើញបទល្មើសព្រៃឈើដឹកតាមម៉ូតូកែឆ្នៃទាំងយប់ ទាំងថ្ងៃចេញពីព្រៃសហគមន៍ ដរតូច សហគមន៍ភូមិគង និងព្រៃការពារដោយមន្ត្រីបរិស្ថានចំណុចភូមិសម និងភូមិតេនក្នុងស្រុកអូរយ៉ាវខេត្តរតនគិរីនេះផងដែរ។
ចំណែលោក សុខ មីន មេបញ្ជាការមូលដ្ឋានកងរាជអាវុធហត្ថស្រុកអូរយ៉ាដាវ នៅព្រឹកថ្ងៃទី៣០ ខែសីហានេះ លោកបានបញ្ជាឱ្យ BNN ដឹងតាម Telegram ថាលោកកំពុងមានកិច្ចផ្ទាល់ខ្លួននៅឯងភ្នំពេញ។ លោកថា ពួកមន្ត្រីខិលខូចទាំងនេះ ពួកគេមិនដែលចេះជួយទប់ស្កាត់រាល់បទល្មើសព្រៃឈើឆ្លងដែនទាំងនេះទេ មានតែជួយសម្រប់សម្រួលឱ្យប្រព្រឹតបទល្មើសព្រៃឈើ និងបំផ្លិចបំផ្លាញសម្បត្តិជាតិតែប៉ុណ្ណោះ។
យ៉ាងណាក៍ដោយ ឯកឧត្តម ថាវ យ៉េន មេបញ្ជាកររដ្ឋានកងរាជអាវុធហត្ថខេត្តរតនគិរី ក្រោយពីមានសេចក្តីរាយការណ៍ពីប្រជាពលរដ្ឋមានវត្ថុតាងពាក់ព័ន្ធបទល្មើសព្រៃឈើទាំងនេះ លោកមិនបង្អង់យូ លោកបានបញ្ជារលោក ឃី សុខា កម្លាំងអាវុធហត្ថខេត្ត ធ្វើការសហការជាមួយកម្លាំងអាវុធហត្ថលើផ្ទៃប្រទេស ដើម្បីចុះទៅត្រួតពិនិត្យនិងធ្វើការទប់ស្កាត់បទល្មើសព្រៃឈើឆ្លងដែនតាមច្រករបៀងប៉ុស្តិ៍ឡុំនេះភ្លាមៗតែម្តង៕
