ពលរដ្ឋស្នើសុំដល់លោកឧត្តមសេនីយទោ អ៊ូ ប៊ុណ្ណា ស្នងការរដ្ឋាននគរបាលខេត្តក្រចេះ និងអាជ្ញាធរខេត្តក្រចេះមេត្តាជួយចំណាត់ការបង្ក្រាប ទីតាំងមាន់ជល់ តាមទូរទស្សន៍ កុំព្យូទ័រ និងទូរស័ព្ទដៃ នៅហាងលក់កាហ្វេផ្នែកខាងកើតផ្លូវវត្តបាលារាមបាឆានេះផង!
ខេត្តក្រចេះ៖ ក្រុមប្រជាពលរដ្ឋបានឱ្យដឹងថា នៅក្រុងក្រចេះត្រូវគេឃើញមានល្បែងស៊ីសងប្រភេទ “មាន់ជល់”តាមទូរទស្សន៍អនឡាញ កុំព្យូទ័រ និងទូរស័ព្ទដៃ ជាច្រើនកន្លែងដែលកំពុងបើកលេងយ៉ាងគគ្រឹក គគ្រេង ដោយគេពុំទាន់ឃើញមានអាជ្ញាធរថ្នាក់ខេត្ត និងកម្លាំងសមត្ថកិច្ចនគរបាលនៃស្នងការរដ្ឋាននគរបាលខេត្តក្រចេះចុះធ្វើការបង្ក្រាបនៅឡើយ។
ប្រជាពលរដ្ឋបានអោយដឹងទៀតថា នៅព្រឹកថ្ងៃទី២៥ រហូតដល់ថ្ងៃទី២៦ ខែតុលា ឆ្នាំ២០២៣នេះ ក្រោយពីមានសេចក្តីរាយការណ៍ពីប្រជាពលរដ្ឋថា ពួកគាត់បានប្រទះឃើញមានហាងការមួយកន្លែងក្នុងចំណោម ហាងកាហ្វេជាច្រើនកន្លែងទៀត នៅក្នុងក្រុងក្រុងក្រចេះខេត្តក្រចេះ ដែលកំពុងបើកសង្វៀន “មាន់ជល់”តាមទូរទស្សន៍ តាមទូរស័ព្ទដៃ និង កុំព្យូទ័រ នៅក្រុងក្រចេះនោះ។
ជាក់ស្តែង ទីតាំងល្បែងស៊ីសងខុសច្បាប់ មាន់ជល់ទូរទស្សន៍ កុំព្យូទ័រ ទូរស័ព្ទដៃគ្រប់ដៃ ចាក់ភ្នាល់លុយ យ៉ាងគគ្រឹក គគ្រេង ទាំងនេះបើយើងបង្ហាញត្រឹមតែមួយទីតាំងនោះ ស្ថិតនៅផ្នែកខាងលិច នៅតូបលក់ការហ្វេតាមចិញ្ចើមរបងមន្ទីរអបរំ យុតជន និងកីឡា (មណ្ឌលកីឡា ខេត្តក្រចេះ និងខាងកើតវត្ត បាលារាម បាឆា ) ចំណុចភូមិត្រពាំងព្រឺង សង្កាត់ក្រចេះ ក្រុងក្រចេះ ខេត្តក្រចេះ។
ប្រជាពលរដ្ឋរស់នៅថា បទល្មើសជល់មាន់ភ្នាល់ដាក់លុយរាប់សិបម៉ឺនរៀល ខាងលើនេះ ពួកបានឃើញមានការបើកឱ្យមនុស្សចូលទៅលេងជារៀងរាល់ថ្ងៃ ចាប់ពីម៉ោងប្រមាណជា ៨,៣០នាទីព្រឹក រហូតដល់យប់។
ពាក់ព័ន្ធករណី ល្បែងស៊ីសងមាន់ជល់ចាក់ភ្នាល់ យ៉ាងគគ្រឹក គគ្រេង ដោយខុសច្បាប់ទាំងនេះវានឹងបណ្តាលឱ្យប៉ះពាល់ដល់ភូមិ-ឃុំ មានសុវត្ថភាពនៅក្នុងក្រុងក្រចេះ និងខេត្តក្រចេះ យ៉ាងធ្ងន់ធ្ងូ ។
ទី1 ៖ ផ្តោតទៅលើ កើតអំពើរហិង្សាក្នុងគ្រួសាររបស់ប្រជាពលរដ្ឋ។
ទី2 ៖ ធ្វើឱ្យកំណើនសេដ្ឋកិច្ចរបស់ប្រជាពលរដ្ឋមានការធ្លាក់ចុះយ៉ាងធ្ងន់ធ្ងូ ដោយគ្រូសារពលរដ្ឋមួយចំនួនតូចខ្ចីប្រាក់កម្ចីពីធនាគារ ដោយគ្មានការអភិវឌ្ឍន៍អាជីវកម្មមុខរបរក្នុងគ្រួសារ បែរជាយកលុយទាំងនោះទៅចូលរួមលេងល្បែងស៊ីសងដោយខុសច្បាប់ ចាញ់មិនដែលឈ្នះ។
ទី3 ៖ ល្បែងស៊ីសងទាំងនេះវានឹងបង្ករបញ្ហារដល់ អ្នក
ដែលលេងល្បែងចាញ់អស់លុយ រហូតបែកគំនិតឈានដល់ប្រព្រឹត្តអំពើរ ឆក់ ប្លន់ និងកើតមានបញ្ហាប្រឈមដូចជាគ្រឿងញៀន នៅក្នុងក្រុងក្រចេះខេត្តកក្រចេះ ជាដើម។
យ៉ាងណាក៏ដោយ ករណីល្បែងស៊ីសង មាន់ជល់ តាមតុកាហ្វេ នៅភូមិត្រពាំងព្រឺង សង្កាត់ក្រចេះក្រុងក្រចេះនេះ ពលរដ្ឋស្នើរសុំដល់លោកឧត្តមសេនីយទោ អ៊ូ ប៊ុណ្ណា ស្នងការរដ្ឋាននគរបាលខេត្តក្រចេះ និង ឯកឧត្តម វ៉ា ថន អភិបាលនៃគណអភិបាលខេត្តក្រចេះ មេត្តាមានចំណាត់ការបញ្ជាកម្លាំងនគរបាលខេត្តចុះបង្ក្រាប ល្បែងស៊ីសង មាន់ជល់ល្មើសច្បាស់ ចំណុចទីតាំងខាងលើនេះផងទាន៕
