ខេត្ត​រតនគិរី​៖ ក្រុម​ប្រជាពលរដ្ឋ​បានឱ្យដឹងថា ថ្មីៗ​នេះ ត្រូវ​គេ​ឃើញ​ល្បែងស៊ីសង​ប្រភេទ ឡូតូ​8888 និង មាន់​ជល់ តាម​កុំព្យូទ័រ និង​ទូរទស្សន៍​អន​ឡាញ ស្ទើរ​គ្រប់កន្លែង​ក្នុង​ក្រុង​បាន​លុង​ខេត្ត​រតនគិរី តែ​មិន​ត្រូវបាន​គេ​ឃើញ​សមត្ថកិច្ច​ពាក់ព័ន្ធ​ក្នុង​ខេត្ត​ចុះ​ធ្វើការ​ទប់ស្កាត់ រឺ ចុះបង្ក្រាប នៅឡើយ​នោះទេ​។​

​ជាក់ស្តែង នៅ​ព្រឹក​ថ្ងៃទី​១៩ ខែកញ្ញា​នេះ នៅ​បេន​ឡានក្រុង ទីតាំង​លក់​បាយ​និង​ការ​ហ្វេ​នៅមុខ​ផ្សារ​បាន​លុង ខេត្ត​រតនគិរី ត្រូវបាន​គេ​ឃើញ​មាន​បើក​ល្បែងស៊ីសង​ប្រភេទ​ឡូតូ មាន​យីហោ 8888 និង​ទីតាំង​មួយចំនួន​នៅក្នុង​ក្រុង​បាន​លុង កំពុង​បើក​ល្បែងស៊ីសង​ទាំងនេះ​យ៉ាង​គគ្រឹកគគ្រេង​ដោយ​គេ​ពុំ​ឃើញ​មាន​សមត្ថកិច្ច​ចុះ​បង្ក្រាប​។​

​ប្រជាពលរដ្ឋ​បានឱ្យដឹង​ទៀត​ថា ល្បែងស៊ីសង​ចាក់​ភ្នាល់​លុយ រាប់​លាន​រៀល ទាំងនេះ​មិន​ត្រូវ​គេ​មើល​ឃើញ​មាន​សមត្ថកិច្ច​ចុះបង្ក្រាប​ឡើយ ជាក់ស្តែង ដូចជា​នៅ​សង្កាត់​ចំនួន​៤ ក្នុង​ក្រុង​បាន​លុង​៖
1,​សង្កាត់ ឡា​បាន​សៀក​
2,​សង្កាត់ យក្ស​ឡោម​
3,​សង្កាត់ បឹង​កន្សែង​
4,​សង្កាត់ ការ​ចាញ​

​និង​នៅតាម​បណ្តា​ស្រុក​ទាំងអស់​នៅ​ខេត្ត​រតនគិរី រួមមាន​៖
1.​ស្រុក​បរ​កែវ​
2.​ស្រុក​អូរយ៉ាដាវ​
3.​ស្រុក​អណ្តូង​មាស​
4.​ស្រុក​តា​វែង​
5.​ស្រុក​វើន​សៃ​
6.​ស្រុក​អូរ​ជុំ​
7.​ស្រុក​កូន​មុំ​
8.​ស្រុក​លំផាត់​
​ល្បែងស៊ីសង ឡូតូ​8888 និង​ប្រភេទ ឡូតូ ផ្សេងទៀត ដែល​បាន​បើក​លេង​ចាក់​ភ្នាល់​លុយ​ក្នុង​មួយ​ថ្ងៃៗ​រាបលាន​រៀល ជា​ល្បែង​អន​ឡាញ​តាម​ទូរទស្សន៍ មានដូចជា​៖
​ប្រភេទ ឡូតូ យូគី ,​អាប៉ោង ,​មាន់​ជល់ និង​ល្បែងស៊ីសង​តាម​ទូរទស្សន៍ អន​ឡាញ ជាច្រើន​ប្រភេទ​ទៀត​។​

​ពលរដ្ឋ​ថា ល្បែងស៊ីសង​ខាងលើនេះ បច្ចុប្បន្ន កំពុងតែ​វាយលុក​យ៉ាង​ខ្លាំងខ្លា ពង្វក់​ស្មារតី ប្រជាជន​ក្នុង​ខេត្ត​រតនគិរី យ៉ាង​ធ្ងន់ធ្ងូ​។ ហើយ​មិនតែប៉ុណ្ណោះ​ប្រជាពលរដ្ឋ​ប្រមាណ​៦៥% ត្រូវបាន​ល្បែងស៊ីសង​ប្រភេទ ឡូតូ​8888 និង​មាន់​ជល់​តាម​អន​ឡា​ញ ដែល​បង្កើត​អោយ​លេង​ស៊ី​សងលុយ តាម​ទូរស័ព្ទ​ដៃ កុំព្យូទ័រ និង​ទូរទស្សន៍ អន​ឡាញ​។ ក្រុមគ្រួសារ​ប្រជាពលរដ្ឋ​នៅក្នុង​ក្រុង​បាន​លុង​ខេត្ត​រតនគិរី​70% ដែល​មិន​សប្បាយចិត្ត​នោះទេ ការបង្កើត​ឱ្យ​មាន​ល្បែងស៊ីសង​ប្រភេទ ឡូតូ និង មាន់​ជល់ តាម​ទូរទស្សន៍​អន​ឡាញ​ទាំងនេះ​។ ហើយ​មិនតែប៉ុណ្ណោះ​ក៍មាន​មន្ត្រី​រាជការ​មួយចំនួន​តូច ដែល​កំពុង​ចូលរួម​ប្រព្រឹត​លេងល្បែ​ង​ស៊ី​ទាំងនេះ​ផង​ដែរ​។​

​លោក​អនុសេនីយ៍ទោ អ៊ុង សុភាព ស្នងការ​រដ្ឋា​ន​នគរបាល​ខេត្ត​រត​គិរី អង្គភាព​សារព័ត៌មាន BNN និង គេហទំព័រ ស្លាបប៉ាកកា​ទឹកខ្មៅ នៅ​ព្រឹក​ថ្ងៃទី​១៩ ខែ​កញ្ញា ឆ្នាំ​២០២៣​នេះ អង្គភាព​សារព័ត៌មាន យើងខ្ញុំ​បាន​ខ​ល​ទូរស័ព្ទ​រាយ​ការជូន​លោក​ពី​ល្បែងស៊ីសង​ប្រភេទ ឡូតូ​8888 ជាច្រើន​កន្លែង​ក្នុង​ក្រុង​បាន​លុង ខេត្តរតនគិរី​នេះ ជាក់ស្តែង​នៅ​បេនឡាន​ក្រុង​នៅ​ខាង​មុខ​ផ្សារ​បាន​លុង​នេះ​តែម្តង អង្គ​សារព័ត៌មាន BNN បានខ​ល​ទូរស័ព្ទដៃ​ចូល​លោក​ជា​ច្រើន​សារ​ចូល​ហើយ តែ​ពុំ​មាន​អ្នក​លើក​ទទួល​។​

​ចំណែក លោក ហួត បុរី អធិការ​ក្រុង​បាន​លុង ក្រុមការងារ​អង្គភាព​សារព័ត៌មាន យើងខ្ញុំ​បាន​ខ​ល​ទូរស័ព្ទ​ទៅ​លោក​ដើម្បី​រាយការណ៍ ព័ត៌មាន ពាក់ព័ន្ធ​ករណី​ល្បែងស៊ីសង ប្រភេទ ឡូតូ និង​បង្កប់​មាន់​ជល់ តាម​ទូរទស្សន៍​អន​ឡាញ នៅក្នុង​ក្រុង​បាន​លុង លោក​បាន​លើក​ទូរស័ព្ទ​ហើយ​បញ្ជាក់ថា លោក​បាន​ទៅ​រៀន​នៅ​ភ្នំពេញ រយៈពេល​ប្រមាណ​ជា​ជិត​០៣​ខែ​ទៅ​ហើយ ករណី​កើតមាន​ល្បែងស៊ីសង​នៅក្នុង​ក្រុង​បាន​លុង​ខេត្តរតនគិរី ទាំងនេះ លោក​ក៍​មិន​បានដឹង​ដែរ​។​

​បើទោះជា​ដូច​ច្នេះ​ក៍ដោយ ប្រជាពលរដ្ឋ​រស់នៅ​ក្នុង​ក្រុង​បាន​លុង​ខេត្តរតនគិរី បាន​ស្នើរ​សុំ​តាម បណ្តាញ​ព័ត៌មាន BNN សុំ​ឱ្យ​ឯកឧត្តម ញ៉ែម សំអឿន អភិបាល​នៃ​គណ​អភិបាលខេត្ត​រតនគិរី មេត្តា​ជួយ​ទប់ស្កាត់​និង​បង្ក្រាប ល្បែងស៊ីសង​ប្រភេទ ឡូតូ និង មាន់​ជល់ តាម​ទូរទស្សន៍ អន​ឡាញ នៅ​តុ​កាហ្វ ក្នុង​ខេត្ត​រតនគិរី​ទាំងនេះ​ផង​។​

​ប្រជាពលរដ្ឋ​ថា បើ​នៅ​តែ​បើក​ឱ្យ​មាន​ល្បែងស៊ីសង​ប្រភេទ ឡូតូ ទាំងនេះ​បន្តទៀត នឹង​ធ្វើអោយ​ប៉ះពាល់​សុ​វត្ថ​ភាព ភូមិ​-​ឃុំ​មាន​សុ​វត្ថ​ភាព​យ៉ាង​ធ្ងន់ធ្ងូ នៅ​ខេត្ត​រតនគិរី យើង​នេះ​៕​