អភិបាលស្រុកវ៉ើនសៃថា ករណីបណ្តាញសង្គមមួយចំនួនតូចធ្វើការជិះគន់ពីអាជ្ញាធរស្រុកវើនសៃថាមានការឃុបឃិតជាមួយកំពង់ចម្លងទូកដរយកលុយលើសសៀវភៅបន្ទុក គឺជារឿងមិនពិត
ខេត្តរតនគិរី ៖ លោក ហេង សាវឿន អភិបាលស្រុកវ៉ើនសៃថា ថ្មីៗនេះ មានបញ្តាញសង្គម facebook មួយចំនួនតូចបានបង្ហោះសារចេញមតិរិះគន់ពីអាជ្ញាធរស្រុកវើនសៃ ថាអាជ្ញាធរស្រុកវើនសៃមានការឃុបឃិតជាមួយកំពង់ចម្លងដែលដឹកជញ្ជូនចម្លងប្រជាពលរដ្ឋនិងយានជំនះគ្រប់ប្រភេទតាមទូកដរ នៅស្រុកវើនសៃ។
ពាក់ព័ន្ធការលើកឡើងរបស់ លោក ហេង សាវឿន អភិបាលស្រុកវើនសៃ កាលពីថ្ងៃទី១៨ ខែឧសភា ឆ្នាំ២០២៥នេះ លោកបានអោយ BNN និង គេហទំព័រ ស្លាបប៉ាកកាទឹកខ្មៅ ដឹងថា ការរិញគន់ដោយគ្មានមូលដ្ឋានច្បាស់លាស់គឺជាករណីបរិហាកេរ្តិ៍នៅលើបណ្តាញសង្គម គឺជារឿងមិនពិតនោះទេ ។
លោកថា បញ្ហាតម្លៃទូកដរ ដែលឆ្លងទៅឆ្លងមក នៅក្នុងកំពុងចម្លងស្រុកវ៉ើនសៃ លោកបានចុះពិនិត្យ និងប្រជុំពិភាក្សាជាមួយក្រុមប្រឹក្សា ជាប្រចាំ នៅក្នុងការយកតម្លៃឈ្នួលឆ្លងកាត់ទន្លេ ពីប្រជាពលរដ្ឋស្មើជើង និងតម្លៃឆ្លងទៅលើមធ្យោបាយយានយន្តគ្រប់ប្រភេទ គឺក្រោមតម្លៃសៀវភៅបន្ទុក និងតាមដែលតម្លៃចរចារ្យ ជាមួយប្រជាជនក្នុងស្រុកវើនសៃយើងនេះ។
ជាមូយគ្នានេះដែរ លោកក៍បាននិយាយទៀតថា សម្រាប់សិស្សានុសិស្ស ក្នុងស្រុកវើនសៃ ដែកពួកគេបានធ្វើដំណើរឆ្លងកាត់ទន្លេ តាមរយៈទូកដរចម្លង ឆ្លងមករៀនសូត្រនៅត្រើយម្ខាងទៀត គឺមិនបានយកប្រាក់ឆ្លងកាត់ទន្លេតាមដរចម្លងនោះទេ។
ប៉ុន្តែបើមធ្យោបាយធ្វើដំណើរដូចជាម៉ូតូគឺ យកក្នុងតម្លៃមួយ ១០០០រៀល និងប្រភេទរថយន្តសាំយ៉ុងដឹកទំនិញឆ្លងទៅមក៦ម៉ឺនរៀល គោរយន្តកែនៃដឹកទំនិញខ្នាត់ធំ ឆ្លងកាត់ចំនួនមួយដង១០ម៉ឺនរៀល។ ចំពោះមន្ត្រីរាជការដែលដែលឆ្លងកាត់ដោយមានបេសកកម្មពីអង្គភាពច្បាស់លាស់ គឺម្ចាស់ទូកចម្លងមិនយកលុយនោះទេ។
តែបើករណី ចម្លងគ្រឿងចក្រដែលឆ្លងកាត់តាមទូកដរ នៅកំពង់ចម្លងនៅក្នុងសៀវភៅបន្ទុករបស់រដ្ឋមិនបានដាក់កំណត់តម្លៃនោះទេ តែតម្លៃដឹកជញ្ជូនប្រភេទគ្រឿងចក្រឆ្លងកាត់ទន្លេវើនសៃនេះ គឺស្ថិតក្នុងតម្លៃចរចារ្យ ជាមួយម្ចាស់កំពង់ចម្លង ជាដើម។
លោក ហេង សាវឿន អភិបាលស្រុកវើនសៃ ខណៈពេលដែលឆ្លើយតបជាមួយនិងក្រុមអ្នកកាសែតក្នុងស្រុក លោកក៍ បានទទូចស្នើរសុំស្ពានឆ្លងទន្លេមួយខ្សែ ឆ្លងកាត់ទន្លេវើនសៃ ស្ថិតនៅក្នុងស្រុកវើនសៃ ពីសំណាក់ប្រមុខថ្នាក៎ដឹកនាំ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដើម្បីជួយសម្រួលដល់ការធ្វើដំណើរប្រជាពលរដ្ឋនិងងាយស្រួលដឹកជញ្ជូនកសិផលឆ្លងកាត់ទន្លេនៅក្នុងស្រុក៕
