ឃាត់ខ្លួនស្ត្រីម្នាក់ បើកល្បែងស៊ីសងចាក់ភ្នាល់លុយឡូតូតាមប្រព័ន្ធអនឡាញ
ភ្នំពេញ៖ សមត្ថកិច្ចបានឲ្យដឹងថា កម្លាំងការិយាល័យនគរបាលព្រហ្មទណ្ឌកំរិតស្រាល នៃស្នងការដ្ឋាននគរបាលរាជធានីភ្នំពេញ កាលពីវេលាម៉ោង១៤ និង៣០នាទី ថ្ងៃទី២៣ ខែមិថុនា ឆ្នា២០២៣នេះ បានចុះបង្ក្រាបទីតាំងបើកកន្លែងលេងល្បែងស៊ីសងខុសច្បាប់មួយកន្លែង ចាក់ភ្នាល់លុយឡូតូតាមប្រពន្ធ័អនឡាញ បទល្មើសប្រភេទ ឡូតូទូរទស្សន៍អនឡាញ នេះបានប្រព្រឹតនៅចំណុចផ្ទះគ្មានលេខ ផ្លូវលេខ៥១៤ភូមិ១ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ។
ប្រតិបត្តិការចុះបង្គ្រាបនេះ សមត្ថកិច្ចបានឃាត់ខ្លួនស្ត្រីម្នាក់ឈ្មោះ សែម ផល្លា (ហៅសីលា) អាយុ២៧ឆ្នាំ មុខរបរ បុគ្គលិកហ្គេមឡូតូ អនឡាញ មានទីលំនៅបន្ទប់ជួលលេខ២ ផ្លូវបេតុង សង្កាត់ផ្សារដើមថ្កូវ ខណ្ឌ ចំការមន រាជធានីភ្នំពេញ។
វត្ថុតាងរឹបអូសរួមមាន៖ ម៉ូនីទ័រ ម៉ាកDELL ពណ៌ ខ្មៅ ចំនួន០២ គ្រឿង និងម៉ាក ១-O-DATA, CPU ពណ៌ខ្មៅ ចំនួន០១ គ្រឿង, ឃីបត ពណ៌ខ្មៅ ចំនួន០១, ម៉ៅ ចំនួន០១, ដុំ វាយហ្វាយ ចំនួន០១, ប្រាក់ចំនួន៤៥០០០រៀល។
បច្ចុប្បន្ន ស្ត្រីដែលបានឃាត់ខ្លួនខាងលើនេះ ត្រូវបានសមត្ថកិច្ចនាំខ្លួនយកទៅសួរនាំ នៅផ្នែកការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ ដើម្បីរងចាំបន្តនិតិវិធី៕
